艦これ: 改修工廠 一式徹甲弾
秘書艦明石改Lv35，目標一式徹甲弾，共改修11回，
消秏開発資材37個，改修資材21個，九一式徹甲弾7個，
*8*9*max改修使用確實化。
由九一式徹甲弾改修至一式徹甲弾。
消秏開発資材37個，改修資材21個，九一式徹甲弾7個，
*8*9*max改修使用確實化。
由九一式徹甲弾改修至一式徹甲弾。
艦これ 1/700 輕巡洋艦 大淀
過年既時候係日本入手左大淀既艦模， 其實我一向都好鍾意四眼妹，溫柔，可靠既大秘書 兼驅逐艦宿舍舍監 ， 如果我無遇上榛名既話，我會娶四眼妹做我老婆。 千祈唔好俾榛名聽到，我驚俾佢炮決 大淀同其他輕巡唔同，佢係作為一艘指揮艦去設計出黎， 擁有索敵用既大型水上機庫同彈射器，良好既通訊設備同優秀既防空能力， 但艦炮只有由最上型移裝既15.5cm三連裝主炮兩基六門， 畢竟四眼妹唔係設計用黎帶領水雷戰隊衝鋒陷陣，呢點可以理解。 錨鏈今次無轉用到金屬鏈，我見佢原本既detail位都唔錯所以無郁到佢， 今次有樣野做錯左既就係個Planning做得唔夠好， 甲板上面既舊detail剷左一D又剷唔哂， 下次再做既話我會將所有一體成型既detail剷起哂佢， 用蝕刻/膠件重做個detail。 剩係個艦橋都砌左我成個星期，第一次砌呢類型既艦橋， 之前既五十鈴同驅逐艦都係差唔多一體成型咁滯， 一路睇圖一路研究點整個蝕刻片，痴完一層就上欄杆同水密門， 成左形之後再砌返D兵裝(電探，無線電，高射裝置同探照燈)上去， 我到而家都係未掌握到立體既蝕刻片應該要點搞， 尤其係呢個頂住個波既無線電柱同後面既桅杆， 痴到歪歪斜斜之餘仲要成日甩，俾佢搞到我一頭煙。 岩岩都提過大淀既防空能力唔錯， 佢自己一個已經有四基八門長十炮(九八式十糎高角砲)， 相當於秋月型驅逐艦既主炮門數， 再加上艦橋，甲板同飛機庫上面既25mm三連裝機槍。 據大淀係捷一號作戰既報告，主炮配合長十炮有能力係一萬公尺以外將12機編隊中既8機擊落。 同其他輕巡唔同，大淀既煙囪同阿賀野型一樣，採用戰艦式既集中煙囪， 我見佢煙囪既detail都算唔錯，所以無裝到金屬環筋。 後部桅杆上面有一組13號電探，又係砌到我無哂耐性， 不停痴完又跌痴完又跌痴完又跌，剩係呢支桅杆我都用左一晚黎整。 1944年既大淀，彈射器由原本既二式一號十型空氣式彈射器轉左成左普遍既吳式二号五型火藥式彈射器， 亦未能夠搭載計劃中既紫雲，只係搭載左零式水偵， 為左圓左大淀既心願(好似係)裝備左紫雲俾佢。 艦尾有爆雷投下軌同海軍旗。 材料列表 艦模 AOSHIMA 1/7
留言
張貼留言