未来ガジェット研究所

訓完個無壓力覺，不如去古華嘆下威士忌， 古華呢間酒吧嚴格黎講佢係Hotel Lounge，但係係一個威士忌藏量好豐富既Hotel Lounge， 我上次黎台北果陣已經去過一次，仲識左個新朋友。 由台北搭返去桃園實在好傻但係為左威士忌係值得去既， 搭捷運係去到台北車站，牙痕想食個劉山東牛肉麵， 點知唔記得左星期日劉山東休息，係附近搵間牛肉麵食就算。 好搞野佢呢張落單紙係好似白板咁可以循環再用，用白板筆剔要D咩。 頂未食晏就而家好肚餓。 雖然可以用悠遊卡但我想用咁D銀仔，就順手買張車飛。 由於佢距離台鐵站同高鐵站各有一段距離，熱到死行都唔想行， 又唔想搭的士(雖然好平)，行幾步去搭巴士。 試左兩款，古華佢個course係買一送一，而且係45mL當一shot， 對比起其他威士忌吧算係幾扺。 佢既收藏有好多都係協會酒同KAVALAN，始終係台灣自己牌子， 今次搵左我想試好耐既Bowmore 既Devil Cask Batch III， 三款都未試過，Batch I已經好難搵到。 Devil Batch III 唔同 Batch 1 佢係屬於NAS，Batch I 同Batch II都標註左10YO， 不過而家NAS既款愈出愈多，唔再係以前盲目追求年份既心態。 Devil系列全部都係~56%既Cask Strength， 分別用左兩款first fill既雪莉桶(Oloroso & Pedrox Ximenez)去熟成， 同佢俾我既感覺一樣。 另一款試左協會既53.207 Cod wrapped in Parma ham， 呢支係我第一支試既Caol Ila作品，陳放左20年既Refill雪莉桶，1993年7月裝桶。 Cod fish即係鱈魚，我反射動作諗起澳門葡菜成日食既馬介休(Bacalhau)。

去台北旅行最開心一定係訓個"無壓力覺"然後起身先諗下去邊食早餐， 睇電視介紹西湖市場有間食日本野既好抵食，於是就搭車去試下。 晏就時間仲要熱辣辣真係唔係好想排隊，係台北唯一值得排隊既食肆係肥前屋， 暫時未遇到其他個人覺得係值得排隊既。 其實都唔平，我嗌左個NTD800既set，都成兩舊水港紙。 西湖市場係類似香港澳門果種市政綜合大樓， 即係打波會聞到魚腥味，睇書聽到斬肉聲果種， 西湖市場就剩係街市同熟食中心放埋一齊， 我剩係唔明點解呢檔野會放係濕貨果層。 話明個名叫西湖小立吞，就梗係企係到食， 壽司都算唔錯，但熱辣辣企係個街市到真係麻麻地。 反而我幾鍾意佢個海鮮味噌湯，如果可以單嗌既我會黎食多一次，前題係唔洗排隊。 由於十二點幾食完野實在太熱，我決定去睇戲， 夜晚約左係台灣讀緊書既朋友出黎食飯，順手拎左D補給品俾佢， 係台北車站等緊既時候又見肚餓，係車站樓上食左個牛肉麵， 但係個麵無咩特別，唔係唔好食既，只係無咩特別。 同朋友一路行台北車站地下街，Animate同西門町， 食埋飯就各自歸家，呢間西門町既居酒屋都幾抵食， NTD1000一個二人餐。

又係時候要起行去台北食下野放下假，買買埋埋IT既平飛就飛返轉， Project 忙到癲晏就飯都未食，索性入Lounge食野當埋晏就飯。 總有一班趕住去死既人排長龍上巴士。 A320都唔會諗住佢突然變得好好坐嫁啦... 個零鐘機無睇左幾多頁漫畫就已經到左台北， 申請左張快速通關之後係桃園入境方便左好多， 諗起上幾次浪費人生咁排隊真係... 今次都係住返忠孝敦化既凡登旅館，今次分左上十四樓， 感覺麻麻地無上兩次咁舒服。 放低D野就去秋吉食野，住忠孝敦化就係因為附近好多野食， 後院(威士忌吧)同誠品都係步行距離，一個唔覺意係後院醉左都返到酒店。 秋吉既串燒幾高質，咁當然同日本既居酒屋係有D分別既， 例如佢無枝豆同炸竹筴魚(佢老豆佢無枝豆都叫自己做居酒屋，講出黎果陣面唔面紅)， 我好鍾意佢地整既清酒煮蜆，但杯Highball真係麻麻地。 後尾我都係頂唔順佢杯Highball，寧願去返飲啤酒， 飲完酒就返去大覺訓，訓醒先諗聽日去邊。

行完山崎，上返JR轉新快速直飛神戶， 去有馬溫泉可以搭私鐵轉兩次車或者係三ノ宮轉巴士， 凍冰冰費事轉咁多次車就去左搭巴士。 下半段無咩影相，個人醉醉地。 個巴士站同JR出口都有D距離。 沿路D風景都唔錯，但周圍都凍冰冰同個天陰陰沉沉咁。 係日本搭車(其實應該話係邊到搭車都要)到左果陣先要確認一下回程既車係幾點。 好有想像中溫泉區既感覺， 去左日本咁多次呢次係第一次去浸溫泉。 我去左有馬個金之湯，係門口鎖好對鞋，買劵買埋毛巾(睇你要唔要用咁啦)， 拎條Locker鎖匙就可以上去沖身同浸溫泉， 外面凍冰冰沖個涼(前一晚訓機場無沖)再浸個溫泉係精神既。 浸完溫泉係要飲支野既，我買完先醒起唔應該飲奶會肚痛， 但呢次又無咩事，係香港飲應該會肚屙。 溫泉街有D似京都既二年坂三年坂果頭， 不過成條街賣既野都係差唔多， 主力都係賣唔同大細同包裝既碳酸煎餅。 行過牙痕食舊可樂餅，同上次係白川鄉食果舊一樣都係伏野， 成舊都係薯仔，根本都無牛。 順手食左個溫泉饅頭(?)，無咩特別。 回程果陣係旅遊巴果類長途巴士，係上車果陣買定飛，我去神戶轉返JR。 下次有機會先Book返次係有馬住，慢慢浸下溫泉。  架巴士係三ノ宮落左車之後會一路去埋大阪。 Shit 有D後悔無一路搭到去大阪。 京阪D車有個特點，佢個車身打蠟打到好光身好靚仔， 你睇下山陽本線既115系.... 係千日前商店街行下Bic camera同食個晚飯。 有咩衰得過去機場既火車delay .... UO689起程去香港。 完了吧，如無意外。

每月任務「水上打撃部隊」南方へ！ 任務要求戰艦三位輕巡洋艦一位攻略5-1地圖。 用五十鈴先制對潛但王點唔係潛陣， 制空計錯左over左少少，KCV制空值 55 (29 -134)。 一場KO。