201612 日本九州歷史之旅: Day 2 門司港周遊

門司港，神戶，橫浜呢類港口城市一樣，
因為好早期就同外國人接觸，所以建築物係洋風。

全日本最大既行人用開關橋，不過其實由另一邊行過去都唔係太耐。

 "十，十五，開哂，飲啦" 

開哂係咁樣， 其實都唔係升到好高，而且無咩船出入。

隔離個公園仲有個週末市集，見到有個お猪口幾靚，
但一諗到要拎住佢行多十四日就真係不了。

我總係對呢類地區限定野無咩抵抗力，尤其係地酒，
啤酒呢家野去個廠飲係最正既，最新鮮又唔會俾入樽入罐既過程影響左個口感。

我試左WEIZEN，啤酒既唔好處係好快飽試唔到幾多隻。

佢仲有個餐廳位既，一來未餓二來佢今日午市包左場。

有支裝賣既，不過我個人鍾意生啤多D。

唔錯唔錯

行過後面個手信舖既熟食區買左盒炸河豚(佢咁講我咁聽)當小食，
應該係我咁大個仔第一次食河豚，個肉都幾實，個口感似食魚扒。

之後行左去一個好有趣既地方，NTT旗下既門司電気通信レトロ館，
棟建築物本物係大正13年(1924年)既逓信省門司郵便局電話課庁舎(Copy from Webpage)。
見到____省就知係政府機關，逓信省係以前既日本內閣體制創立既時候已經開設，
專營郵政同通訊，1949年郵電分離，逓信省廢止，
兩大業務分別成為日本郵政(JP)同日本電信電話(NTT)。

呢個博物館過癮既地方係你可以試玩入面D野，
第一次用撥輪電話，拎起仲聽到果陣時等接駁既音樂。

明治33年，上野同新橋站內安裝左第一部街上面既公眾電話，
呢款電話既特徵係佢有兩個唔同既入錢位，一個收五錢，一個收十錢，
你放入去果陣佢會有唔同既響聲，咁接線生就會靠呢個響聲去判斷你入左幾錢。

硬幣導致感應器的磁通量改變 ? 不認識的孩子呢~~

呢個表幾有趣，睇到當時既物價同當時既電話費有幾貴，
2.8kg米 = 由東京打個電話去橫浜同人地吹5分鐘水，月費就仲誇張，
東京一個月既電話月費等於十個月既住宿費.....

 我剩係知morse code有日文版，但我岩岩先知原來手旗都有日文版。

下面呢幾台機又係好有歷史，人手既電話交換機。

第一代既電氣交換機，諗出黎果班Engineer 真係好強，
唔係細電出身，張schematic好多Logic都睇唔明，呢間博物館直頭可以試玩，
真心feel到以前既Engineer係幾勁。

呢個我反而有D認識，讀書果陣都叫小半個Telecom佬，
唔好睇佢好似一大抽好難分，其實係有個pattern去分既，
不過patch 1000 core 真係好痛苦.....

而家就全部轉哂做fiber了，識啪光纖就得了。

呢個又係好有趣，舊式既電報機，
仲可以俾你自己Text返幾粒字，
呢部係受信機。

行完博物館，行去關門隧道行過山口果邊。

條橋都幾靚不過海邊好凍。

高波注意~~

 附近都幾多造船廠，但我唔知原來成個艦首都可以係第二間廠造完拎去裝。