未来ガジェット研究所

話咁快就去到旅程最後一日， 朝早起身去行下Supermarket順手退左d樽佢， 每個0.25 EUR 都幾係野。 買飛入機場，岩岩先發現原來都成EUR14.3都幾貴， 呢個價夠柏林A-B-C區連機場既24個鐘飛。 搭S8入機場。 我發現係機場買Bier Maß仲平過係市區同Oktoberfest會場入面買。 好快check in 完，因航得一日一班MUC -> HKG所以大部份staff都係外判， First隊個地勤著因航制服應該係in-house staff黎， 個"Grandma"感好重，慢慢做但你唔會覺得要急果d黎。 入到機場Lounge食個早餐配d液體麵包。 回程都係PEY，少見地三個class 都full book。 餐都係狗飯。 全卷完

起身好在訓一覺就咩事都無， 去左早幾日食早餐果間cafe食個Weißwurst。 飛機分館離市區幾遠下，要搭火車再轉巴士再行， 因為佢真係係個舊機場入面。 Flug <- 飛機 Flughafen <- 飛機場 一入場竟然有個專題展係An-225 講少少背景 本身An-225係用黎將暴風雪號 ＝ 蘇聯版既NASA穿梭機， 由工場運去哈薩克（當時既蘇聯加盟國）既發射場， 安東諾夫設計局(An <-)以細一級既An-124做藍本， 加大機翼同增加引擎黎負載暴風雪號。 順帶一提，美國既穿梭機係用747既改版去做運輸。 設計An-225既蘇聯安東諾夫設計局係專門設計大型運輸機，位於烏克蘭， 耳熟能詳既米格（米高揚* -古列維奇設計局）專門設計戰鬥機， 仲有造過大型客機既伊留申同而家仲造緊戰機既蘇愷。 * 蘇聯有兩個米高揚，亞美尼亞人（當時既蘇聯加盟國）， 啊哥阿納斯塔斯·米高揚係蘇聯供應委員會主席，跟過斯大林做野， 就係佢將罐頭技術同雪糕引入蘇聯。 細佬阿爾喬姆·米高揚係設計局既工程師。 講起，斯大林出生於俄羅斯帝國既哥里，即係而家既格魯吉亞（前蘇聯加盟國）。 到An-225面世既時候，蘇聯已經瀕臨經濟崩潰， 暴風雪號只係做過一次試飛就永遠放置左係哈薩克， An-225亦都係基輔既機場停放左十年， 直到1999年烏克蘭決定開放運輸機做民用租賃， 因為無同級既民用運輸機可以做到同樣工作， An-124同An-225既民用貨運事業非常成功， 亦將好多原本需要幾星期既大件陸運用一日既空運解決。 可惜An-225一號機係俄羅斯入侵烏克蘭時被俄軍摧毀於基輔機場， 雖然有重建計劃，但剩係零件按原設計大部份已經停產， 蘇聯時期亦因為政治原因，唔會將同一個產品既產能放係同一個加盟國， 亦令到計劃更加難去實行。 「揹」住暴風雪號 有set 幾四正既Flight Sim，仲搵左張客機既Econ櫈。 個博物館既舊翼係以前機場既飛機庫，採光好好行起上黎好舒服。 新翼係現代機。 有d機係動態保存，見到班哥仔開門準備拖架機出去。 有d機可以行埋入機身同cockpit睇。 行到心滿意足，係Museum Shop既二手區竟然有香港既介紹VTR， 留意返係錄影帶VTR，好大餅會食帶果d。 係博物館隔離搵野食，個地方好grand但價錢可以， 鴨脾豬手配薯蓉。 食完野行返車站d並木道好舒服。 ...

行左幾日飛機大砲同引擎想搵d輕鬆少少既館黎行下， 我本身粗人一個對美術既修為程度好低， 去美術館都係睇下油畫放鬆下，唔太岩現代藝術類既館。 係Odeonsplatz落車行下附近食個早餐。 天氣好既話個公園既景會幾正。 搵左間似Pub / Bistro既餐廳，其實朝早無咩餐廳開或者大部份都係take away， Menu既Müncher早餐就係標準既Weißwurst、Pretzel同白啤（啤酒係一set黎）。 值得一提係佢個甜芥末醬幾正， 雖然係市販野（佢包裝寫homemade）但配Pretzel非常夾， 我本身唔係好食一大舊麵包既人黎，標準大細既Pretzel我食到2／3開始食唔落， 但今次係食醬食到想追加Pretzel。 博物館叫「巴伐利亞國家博物館」，wiki話係歐洲數一數二既美術館， 的確展品個收藏量多而且種類廣，油畫、塑像、武器同用具（e.g. 碟／銀器金器）都有。 唔算話好認真睇每一件展品個介紹，個腦會overload， 同大部份資料都只有德文，要靠GPT逐個翻譯， 佢有音聲案內但每件展品講分幾鐘好快就集中唔到去聽。 1596年有國王紋章既酒杯， 造透明玻璃技術係當時係由威尼斯工匠壟斷， 過時過節有野要紀念就會去威尼斯搵人造。 著住呢套甲去打仗都幾係野。 密集。 我成日形住d新鮮蔬菜既擺設係檯面充撐下場面。 中世紀物流唔發達，食到新鮮唔臭既蔬果同海鮮得一個可能性就係真係好有錢， 所以你睇油畫佢地好多時既餐桌上都有紅到岩岩摘落黎既蘋果，龍蝦同魚去顯示地位。 * 但係18世紀出現罐頭技術前，龍蝦基本上係臭既，餵狗都唔食。 有時你會明點解睇鬼佬屋企佢地有d好淺既櫃擺係飯廳／Drawing Room再將d碟打直擺， 個餐具本物都係一件擺設黎。 Full set 既銀餐具。 行左兩三個鐘見出面天氣幾好決定出去搵野食， 係博物館樓下間餐廳食左個Schweinebäckchen豬臉肉， 個環境幾fine dining 感同野食都唔錯，少貴。 博物個隔離係個巨型公園，再藍天白雲多少少就更好， 係公園散下步睇下人放狗。 「馬路」 行下行下見到有個 Bier Garden 中國塔既牌，決定行去睇下， 又真係一個幾層塔咁既樣。 仲真係有Bier 見有巴士去東站Ostbahnhof，上車去第二到行下， 個站名都係叫Chinesischer Turm (Chinese Tower...