202510 作為酒鬼一生人要去一次既慕尼黑啤酒節：Day 6 巴伐利亞國家博物館

行左幾日飛機大砲同引擎想搵d輕鬆少少既館黎行下，
我本身粗人一個對美術既修為程度好低，
去美術館都係睇下油畫放鬆下，唔太岩現代藝術類既館。

係Odeonsplatz落車行下附近食個早餐。

天氣好既話個公園既景會幾正。

搵左間似Pub / Bistro既餐廳，其實朝早無咩餐廳開或者大部份都係take away，
Menu既Müncher早餐就係標準既Weißwurst、Pretzel同白啤（啤酒係一set黎）。
值得一提係佢個甜芥末醬幾正，
雖然係市販野（佢包裝寫homemade）但配Pretzel非常夾，
我本身唔係好食一大舊麵包既人黎，標準大細既Pretzel我食到2／3開始食唔落，
但今次係食醬食到想追加Pretzel。

博物館叫「巴伐利亞國家博物館」，wiki話係歐洲數一數二既美術館，
的確展品個收藏量多而且種類廣，油畫、塑像、武器同用具（e.g. 碟／銀器金器）都有。

唔算話好認真睇每一件展品個介紹，個腦會overload，

同大部份資料都只有德文，要靠GPT逐個翻譯，

佢有音聲案內但每件展品講分幾鐘好快就集中唔到去聽。

1596年有國王紋章既酒杯，
造透明玻璃技術係當時係由威尼斯工匠壟斷，

過時過節有野要紀念就會去威尼斯搵人造。

著住呢套甲去打仗都幾係野。

密集。

我成日形住d新鮮蔬菜既擺設係檯面充撐下場面。

中世紀物流唔發達，食到新鮮唔臭既蔬果同海鮮得一個可能性就係真係好有錢，

所以你睇油畫佢地好多時既餐桌上都有紅到岩岩摘落黎既蘋果，龍蝦同魚去顯示地位。

* 但係18世紀出現罐頭技術前，龍蝦基本上係臭既，餵狗都唔食。

有時你會明點解睇鬼佬屋企佢地有d好淺既櫃擺係飯廳／Drawing Room再將d碟打直擺，

個餐具本物都係一件擺設黎。

Full set 既銀餐具。

行左兩三個鐘見出面天氣幾好決定出去搵野食，
係博物館樓下間餐廳食左個Schweinebäckchen豬臉肉，
個環境幾fine dining 感同野食都唔錯，少貴。

博物個隔離係個巨型公園，再藍天白雲多少少就更好，

係公園散下步睇下人放狗。

「馬路」

行下行下見到有個Bier Garden 中國塔既牌，決定行去睇下，

又真係一個幾層塔咁既樣。

仲真係有Bier

見有巴士去東站Ostbahnhof，上車去第二到行下，

個站名都係叫Chinesischer Turm (Chinese Tower)。

前方展望席正，我唔鍾意搭巴士既其中一個原因係望唔到前面我會暈車浪。

係東站Ostbahnhof 搭車去總站Hauptbahnhof做下小鐵影下車，

唔同鐵路公司都會派車去Hauptbahnhof上客，唔止DB。

ICE

ARVERIO

奧地利國鐵ÖBB既Railjet

同飛機一樣有分First Business 同Econ。

Westbahn都係奧地利公司

我黎最主要目標係想影下琴日見到既PKP波蘭國鐵車，

EN406由慕尼黑去華沙，18:35出發第二日08:15到，

車廂係PKP而車頭係ÖBB，有寢台同座席車，有機會一定會試下。

EN 406 / IC 406* 既愛稱係Chopin蕭邦，應該算係佢地flagship既車，

正如華沙機場都係叫Warsaw Chopin Airport

* PKP既列車種別好亂，你睇波蘭果次就知

行完車站個胃有d唔舒服無食野直接返左酒店訓。