201603 山崎蒸餾所見學x有馬溫泉快閃遊: HKG-KIX，Media Cafe夜宿體驗

出左白州蒸餾所見學遊記見到好多人問山崎有D咩睇，
咁就順手寫埋山崎。

又係快運買去送回飛，今次即日來回大阪，
預早左成個月就book左山崎見學，就算唔係生產過程見學都好搶手，
始終山崎比白州方便太多。

UO874 1940 HKG-KIX，係澳門返完屋企放低D野先去機場都未遲，
搭UO出mid field總好過以前搭巴士出公海既。

一車車港豬排隊上豬車。

唔記得左架機既Register但好似係港航租機。

今次決定唔訓機場，一落機狗衝去過關然後搭0000果班巴士出梅田，
作戰非常成功買完飛上車坐定都仲有些少時間。

一陣就出到梅田，不過我個人唔係好坐得巴士個人唔係好舒服，
成架車都坐滿咁滯。

我幾鍾意呢棟野個外觀。

夜媽媽就梗係去搵野食，梅田附近深夜仲有野食既地方，
最近應該係兔我野町同曾根崎果頭，
你知果頭最多就係無料案內同Love Hotel，自然有好多開通宵既食肆，
行過牙痕想食拉麵就入一蘭食野。

食一蘭要去一去日本是常識吧

夜媽媽間一蘭都係好多人，頭先都等左一陣位，
between我幾鍾意呢款毒自位。

正 :P :P :P :P :P :P :P :P :P :P

飲埋D湯先岩規舉既。不過之後好鬼口渴

今晚係cafe過夜， 有漫畫(日文)有野飲有涼沖有PC有電視，
毛巾要100 JPY定120 JPY，都尚算舒服。