201610 西貢越戰歷史之旅: Day 1 Pho 2000
一於去Ben Thanh Market附近既Pho 2000食野。
點解特登要行黎呢間食Pho呢，係因為2000年果陣美國總統克林頓都黎過呢到食Pho，
美國係上世紀90年代解除對越南禁運之後同越南既關係解凍，1995年重新建立外交關係。
叫左一份Pho同炸春卷，拿好老實，我覺得琴晚食街邊檔既Pho仲好食過呢間，
呢間個湯都無琴晚果檔咁入味，可能係琴晚果檔落多左味精都未定既。
201509 台灣東北部鐵道之旅: Day 2 金車噶瑪蘭酒廠
搭左十五分鐘的士就到噶瑪蘭酒廠， 記得問司機大佬拎卡片，到時叫佢車返你出去。 涼涼地無落雨個天算係咁。 個酒廠個外型都幾靚。 一推門就聞到威士忌味，不過唔夠早幾年去金門金酒公司， 一落車就已經聞到高梁味。 威士忌就係放係呢D橡木桶入面十年八載去陳年， 有時仲會經過一定年期之後轉移去另一個桶豐富佢既味道。 成個威士忌既生產工序可以簡單分為發芽-> 磨碎->發酵->蒸餾->陳年。 岩岩由蒸餾器放出黎既原酒係透明無色， 度數高既關係個感覺好似飲消毒酒精咁，(聽返黎，我未飲過) 即係右手邊果D樣版咁，愈陳年得耐，顏色愈深(由右到左)， 而顏色深淺亦關符個桶。 等我有錢買個酒桶返屋企做吧檯仔。 發酵用器材。 蒸餾器。 陳年用既貨倉，如果可以學蘇格蘭挖個地洞放D酒桶入去相信會更正。 行完工廠去試飲區試下酒。 呢場得我一個傻佬係到等試飲。 我比較鍾意用聞香杯試新野，直杯儲唔到D味(唔知係咪咁表達個情況)。 我係佢到坐左半個鐘，因為要去Tiger個網加寄倉行李， 我一直坐到下一個試飲環節開始，人開始多佢有個主持係到問下關於威士忌既問題， 我見五六個人都答唔岩我先出手，個問題係岩岩蒸餾完既原酒係咩色， 好明顯班友行工廠果陣就無留心過人地D資料介紹係寫咩， 答岩左有小禮物，其實你俾盒筆我我真係無咩用... .. . 樓下係酒廠既賣店，樓上係cafe， 金車除左造威士忌，佢本行係做伯朗咖啡同其他飲品， 所以有台灣人係黎一箱箱買野飲走。 見咁過癮有得自已調威士忌就報左名參加。 係樓上一個角落頭開班。 Step 1: 係三款原酒入面各拎20mL，雖然話係原酒， 但佢地已經事先調和左一次，等個味道豐富D。 Step 2: 聞下試下每隻原酒，佢張教學上面有D味道參考但無論係呢到定平時飲， 我通常都搵唔齊咁多隻味道，我硬係覺得呢D野要D想像力先做得到。 Step 3: 自已嘗試下唔同比例既配合。 我果班原先係一對一教學，之後黎左對現充。 Step 4: 跟你自己既比例，可以帶一支300mL既威士忌返屋企， KUR
留言
張貼留言