201612 日本九州歷史之旅: 行程總表

話說十一月因為工作上有D事離開左上一間公司，
好耐無去過長旅行，岩岩係菲律賓返黎第二日就出發去九州，

原本係之前111買落既weekend trip，反正而家係廢青mode咁就不如玩耐D，

咁岩又俾我係菲律賓果陣click到張25號既回程機票，

一於就玩到25號先返。 然後29號去東京C91同跨年

藍色係城，橙色係住宿既地方。

呢次既九州之旅收穫都幾豐富，見識左日本近代急速發展既過程同重要既遺跡，

由薩英戰爭開始，直到日本二戰既最後之地都有拜訪過，

唔知大家有無留意過，日本明治維新後既內閣總理大臣大部份都係黎自薩摩藩(鹿兒島地區)。

同當時既政治環境有好大關係，呢個又關係到陸軍同海軍大臣以及軍部干政，

介紹到既時候再詳細講。

三菱重工長崎造船所二號船渠，大和型二番艦武藏出世既地方

除左近代野，今次仲行左全九州既一百名城，

由得個停車場既大分府內去到岩岩遭逢震災既熊本城都有去到，

今次完成哂九州下次應該會去行下東北既城，

會津若松 :P :P :P :P :P

平戶城天守閣

九州旅行係幾舒服，同好岩鐵膠去，好多觀光列車，

仲可以去到兩個JR之最，最南端既西大山同最西端既佐世保，

計埋上次最高點既野辺山，就差東根室同稚內未去。

最南端既西大山

 Ａ列車で行こう

除左搭火車，仲有搭船同自駕，或者揸住架車坐船。
坐緊船去櫻島

好，下一篇就入正題。