未来ガジェット研究所

捱左成個暑假都未去過日本，九月第一個星期去東京抖抖氣， 照舊係快運既平飛，係澳門直接搭船過香港機場， 仲有D時間就食個M記先，Mega Mac餐除左貴左少少之外都幾滿意， 個脆薯皇我幾鍾意食，如果有埋芥末就更正。 兩層加埋四塊肉.... 搭Tubrojet直接去香港機場。  架船個位好過A320個位。 唔知點解呢條線好多印度佬搭，上次由機場搭去澳門又係好多印度佬。 去到機場碼頭直接入安檢同退稅，拎返百二蚊之後搭火車去Gate 40 Lounge飲返杯， 不過果日Lounge都幾旺人，坐左去入面搵叉電位。 上機前飲醉左上機就有覺好訓~~ 見時間差唔多就起行過去mid field， 去到連機頭都未上機，即係有排都未可以起行。 咁岩個方向可以睇到rotate。 繼續係Hong Kong Express A320。  一落機即刻起跑去過關，成功搭到尾班monorail出返東京，唔洗訓機場。   浜松町轉山手線去鶯谷，諗住睇下鶯谷間東賴有無房， 有房就住東橫，無房就行去上野搵間cafe過夜。 川崎重工最偉大既產品一定係榛榛。  好在東橫有位，行過信濃路食個宵夜先。