未来ガジェット研究所

出站之後沿路軌向牡丹方向行， 行過停車場既時候有南下既普悠瑪自強號停靠雙溪。 沿馬路行一定要留意車因為台灣跟左美國佬右上左落。 移動緊既時候又一列北上既普悠瑪。 又miss左抽車，南下區間車。 再miss左抽車，南下自強號。 因為個天開始想落雨，搵左個位置企定定等車。 頂，頭先就咁多車，而家就等左十分鐘一架車都無， 唯有一邊睇四月是你的謊言一邊豎起隻耳仔聽住有無勁共勁共既聲。 終於俾我等到架南下普悠瑪自強號。 入五份隧道。 轉移陣地去隧道既另一面出口，傳說中既村姑扑衫。 台鐵DR2800型柴聯車，南下自強號。 之後就返雙溪搭車去基隆。

一早起身食個早餐就搭向雙溪出發， 先搭去台北車站轉台鐵，即班搭到區間車去瑞芳再轉車， 如果唔係就要等到1025先有車，反正大把時間可以轉車。 載我去瑞芳既台鐵EMU800型電聯車， 架車好新，但我麻麻地鍾意電聯車， 我始終都鍾意有個 梁振英 火車頭係前面勁共勁共後面拖一大抽客車既車組。 唯一算錯左就係瑞芳好多人落車轉去平溪線， 個月台逼過金鐘繁忙時間。 之後轉左搭下一班既莒光去雙溪， 度門要人手開關，企係車廂之間既接縫位聽佢勁共勁共真係好正， 內裝好有八十年代既感覺，因為中秋個個都返鄉下既關係企都企滿人。 到站，個天開始黑，不過原來雙溪都幾多人落車。 台鐵DR3000型柴聯車跑緊自強號， 有時台鐵D車種名都幾熱血，自強，莒光，復興。 台鐵E400型電力機車，好型棍子，火車係呢D先似樣嫁嘛， 但唔知點舛佢長開左個壓縮泵係到十幾分鐘， 電力機車要唔要好似柴油機咁暖機先行得? 因為由瑞芳去雙溪呢程搭左莒光，要補14蚊台幣既車錢。 車站外好有日本D細站行出去既感覺， 好多人拎台單車黎踩。 夠哂低碳，直頭零碳。

2015/09/28 1445 - 岩岩落樓下買野食，橫風橫雨。 頂真係有人出去行街嫁。 2015/09/28 1410 東森新聞 - 台鐵車站 2015/09/29 東森新聞

今次中秋節去台灣頭兩日好順利，而家係酒店避緊颳風又無野好做， 於是就打下遊記一路留意飛機同航班訊息。 Day 0: MFM-TPE Day 1: 酒店 - 捷運 - 台北 - 區間車 - 瑞芳 - 莒光 - 雙溪 - 影車 - 雙溪 - 七堵 - 影車 - 區間車 - 基隆 - 廟口夜市 - 區間車 - 台北 - 捷運 - 師大夜市 - 捷運 - 酒店 Day 2: 酒店 -  捷運  - 台北 -  普悠瑪自強號  - 宜蘭 - 的士 - 金車 - 的士 - 宜蘭 - 復興號區間車 - 花蓮 - 午餐 -  普悠瑪自強號 - 松山 - 饒河街夜市 - 的士 - 酒店 Day 3: 酒店<-而家既時間點 今次六月尾既TigerTW Sale就已經訂左飛由澳門飛桃園， 澳門交通垃圾係常識，我六點半上左金沙城賭場車，七點二都未去機場， 你唔講我我以為個機場搬左去拱北。 澳門機場好細，一眼望哂。 中文葡文英文既顯示牌，最近我葡佬同事去左學廣東話， 睇黎我都要去進修下葡文。 Tiger 係得呢兩個櫃位做check in，機票上面就寫1940可以check in， 咁我就諗住一早check in入去Lounge食野啦，點知去到先話2005先開放check in， 我就餓住等左一粒鐘，早知係金沙城或者威仔食完野先過黎。 btw都幾多中國人係澳門飛台北。 Lounge係二樓，其實個二樓係得Lounge同餐廳。 每次大時大節前既P Lounge 都係食物分發站。 飲罐啤酒食少少野等陣去到台北再搵宵夜， 野食唔多，兩款肉一款菜一款炒飯，沙律吧同多士吧， 個豬手幾岩送啤酒。 食完野仲有D時間整返杯無青檸既Gin Tonic， 但我見有人當Tonic係普通汽水咁飲，果D真係真漢子。 諗唔明點解要排一大行隊等上機，A320一道門上落快極都有個譜， 你驚架機會走左唔等你? 不過如果坐窗口我會盡量早少少上機，費事麻煩人地起身再讓我入去。 A320真係好窄，坐多左787返唔到轉頭。 一個鐘多D就到核園機場，但係等左一個鐘先過到關.... 原本想坐的士出市區，但的士都唔係易搵。