未来ガジェット研究所

入到機場去Lounge沖個涼舒舒服服睇下飛機， P Lounge 有野食但唔多。 呢個位係幾嘆。 杯麵 / 春雨 粉絲果類。 嘩頂呢罐野難飲到癲，一陣泥煤味+草藥味。 行過Duty Free竟然有試飲Bar， 試左Bowmore 三款機場版。 777真係好型棍子。 Leg Room 唔算好深不過是但啦。 返到香港係Arrival Lounge食個早餐就返工。 完。

食完野搭車去Marina Bay Sands 行下， 其實係為左果到既Ice Cream Sandwich， 可能係全新加坡既旅遊區最平都未定。   返去酒店拎野，順手返去LMDW拎返支酒，因為新加坡2230之後商舖唔俾賣酒， 之後搭車去Old Airport Road Hawker Center，平平地又近機場， 原本食完個雞飯好想食埋沙嗲，真係飽到上心口食唔落， 無咩野搞就早D入機場lounge 沖個涼hea下。

去到Harbour Front就順手行過聖淘沙行下， 我通常都係行入去搭車返出黎， 咁就可以慳返幾蚊買雪糕。 黎咁多次都係Free Entry。 係聖淘沙入面hea左陣，去Universal Studio 門口個噴水池吹下涼風之後， 搭車出返Vivo City，我發覺平時食開果間德國餐廳係呢到有分店， 突然牙痕想食豬手，於是就入左去食豬手了。 今期既推廣啤酒。 Bismarck話佢地德國係用1L裝既杯 開餐~ 其實都幾大份~

第二朝訓醒就出去搵野食， 諗住去Chinatown附近既阿華肉骨茶， 其實都唔算附近，差唔多行到海邊。 我好欣賞新加坡D綠化，香港唔會見到呢D Landscape。  華人最重視既節日一定係新年，Chinatown都充滿過年氣氛。 其實呢間肉骨茶都行左成廿分鐘先去到， 講緊由Outram Park MRT開始計， 不過個肉骨茶幾正，天氣又唔係好熱都值得既。 肉骨茶+腰子湯+油條+飯，好鐘意食肉骨茶驅一驅濕氣， 最近D天氣係香港同澳門都好濕，搞到個人好唔舒服。 星期日朝早，唔算好多人。 食完早餐見無咩野做就行去Harbor Front， 途中經過一個廢棄左既火車站。

吸收左上次搭左好貴的士返酒店既教訓， 今次揀左去住Clarke Quay附近，因為目標果間酒吧係果頭。 今次間酒店幾靚，不過新加坡既酒店房都係偏貴同偏細， 個裝修幾colorful。 個設計好奇怪，佢個廁所同沖涼房係分開既，但係毛巾架係廁所果邊。 飲野前食下野先，炸豬扒飯，麻麻地。 食完飯行左十分鐘終於都到左LMDW既新加坡分店， 亦係LMDW唯一一間海外分店，佢本店係法國。 LMDW亦都係Whiskey Live既主辦之一， 佢亦都有做獨立裝瓶既作品， 例如我今次黎買既The Ten。 The Ten 就無試因為係Whiskey Live 都試過， 反而試左兩款未得閒買既Islay， Laphroaig Quarter Cask 同Talisker Dark Storm。 飲完酒有D餓，行返酒店果陣見到有檔印度野就坐企食下宵夜， 雖然係坐係街邊食我唔係咁鍾詫但係D野都幾正。

今年好似未出發去過新加坡， 咁岩LMDW佢有一支我好想入手既威士忌返左貨， CX機票又平，於是就起程去新加坡， 今次照舊係澳門外港直接搭過去香港機場。 今次預早左一班船，因為機場有工程要兜路， 用My Track 記左一次佢要兜上沙洲先返碼頭。 原先50分鐘既船程而家要80分鐘。 近排坐多左Tubrojet，因為2016年開始接手另一個新Project， 雖然我屋企係氹仔，但寫字樓係澳門街果邊去外港方便D。 照舊係碼頭Check in，原本我係買左CX711 1615起飛既， 見早到左就問下早一班機CX 635仲有無位， 成功轉到早一班機仲要坐到窗口位。 新開個中場客運廊仲係要Check Boarding Pass先入得，未去到參觀。 照舊去Gate 40 Lounge 食下野，今次除左魚蛋粉仲有腸粉，係幾高質。 Bread Pudding ，我好鍾意食但係黎Lounge先有得食，澳門街唔多覺有。 食飽就去睇下飛機，遲D要睇清楚係紅色定綠色先分到KA同CX。 英航A380，望落真係好似雙層巴士。 油王A380。 一陣帶我去新加坡既國泰A333。 唔記得上次去Whiskey Live 果次係咪333，不過整體黎講都算係幾舒服。 個Display舊到癲，D字好似去左90年代岩岩用緊Win 95果陣咁。 隔離既Aircanada。 2-4-2其實爽過3-3-3，對於窗口位黎講。 Delay 左十零分鐘就開始Push Back， 邊位老細泊左架私人飛機。 新既中場客運廊。 今程算係坐得幾開心，一上到FL100空姐就開始派花生， 飛左個零鐘就派餐，個餐都幾高質， 雖然岩岩係Lounge食完野但係成個餐都食哂。 飲埋杯咖啡之後，仲有雪糕~~ 就黎Approach既時候亦都就黎到日落。 平安降落。