未来ガジェット研究所

由第一隻艦模到而家都砌左幾款唔同既艦，吹雪，白露，綾波，五十鈴，響， 但都係流於砌埋->上色->貼水貼，今次決定試下用多D技巧同配件。 今次應用左既技巧都係參考左Takumi明春既"1/700軍艦模型製作實例"， 如果有興趣既台灣書既書店會有得買/訂。 第一樣做既野係將原本一體成型既錨鏈換成金屬錨鏈， 錨鏈買到左佢推介既Pro Hobby 錨鏈，但未買到個錨鏈柱， 所以只係鑽左兩個洞放左條鏈上去試一試個效果。 佢本身都有錨鏈同錨鏈柱但係同個艦模一體成型。 買左盒OLFA既剷型刀片，用黎剷走而家艦體上面的錨鏈。 剷走左之後再用砂紙磨平。 趁仲有D痕跡，用個錐mark返個錨鏈柱既位置， 再用鑽咀鑽通由甲板落船倉既洞。  放條錨鏈上去試一試，感覺唔錯但未齊件要暫時停工。 第二樣做既野係將原本既膠炮管換成金屬炮管， 但香港搵唔到特制既金屬炮管，買左0.5mm既銅管再試下個效果， (銅管係0.5mm外徑，0.18mm內徑，127mm in 1:700 = 0.18mm，好似係) 我自己幾鐘意，但係就買漏左泥膠狀既畢地，未整到防水布既位置。 第一套試作品，用鑽咀係炮塔鑽個洞，再將炮管插入去，用AA膠痴實。 AA膠買左呢款，乾左唔會白化。 白露總共兩套12.7cm連裝炮同一套12.7cm單裝炮， 炮塔用左小型兵裝set既炮塔，上面既detail位靚過原裝既。 第三樣做既野係將原本既密封煙囪改成開口再加銅線加強質感， 暫時只係完成左開洞既工作。 待續。

第一次砌模型，同艦これ一樣ID1揀左吹雪， 呢次既目標係灰模唔上色， 最主要係想用佢黎感受一下D工具點用同成個砌艦模既流程係點， 工具係朋友幫手執既，佢零戰模型達人搵個專家幫手執好過自己盲中中既。 Waterline Tamiya 出品既吹雪，特I型一番艦， 特型仲可以細分做特I型(吹雪型)，特II型(綾波型)，特III型(曉型)， 寫緊既時候綾波已經入左手，準備完成左白露就開工砌綾波。 今次未會上色住先，打算熟習左個砌法先研究上色。 基本既說明書，水貼，艦件同船底既鎮重。 我隻白露唔記得放鎮重。 仲外加左一份小型兵裝set，有D配件個精細度比原身既好好多， 例如今次既魚雷管，你唔講我會以為係WG42.... 跟住圖紙砌左第一組12.7連裝炮先，但我發覺個底座唔係好岩位， 第一次砌又唔夠膽銼咁深，砌完唔係好岩位.... 然後砌煙囪，煙囪我個人覺得都幾難砌， 一開始仲搞錯左個煙囪頂既方向，搞左一輪先砌返岩。 搞左一輪終於整好哂兩支煙囪。 開始砌艦橋，驅逐艦既艦橋好簡單，無戰艦果D咁複雜。 艦橋唔算好難砌，D腳仔都對得幾準。 第一次痴呢D細零件，搞到我頭都大埋。 幾經辛苦終於搞掂。 探射燈台。 無線電室同上部炮塔。 開始將所有配件組裝上甲版，由艦尾開始裝起，兩條深水炸彈施放軌同12.7cm連裝炮。 裝埋焦線電室同 WG42 兩基三連裝魚雷。 中間掛住整無影相，直接skip到痴完水貼。 起貨。