未来ガジェット研究所

拎左行李買完野食就去京成上野搭車去機場。 Familymart既野食係高質既。 機場Duty Free 個中文真係譯到。 ET有非洲人Site Staff係日本，我仲以為佢俾哂ANA做添。 架機同黎果架都係787，不過習慣地影下。  究竟咩神力可以篤爛個制。 國泰生產既回頭餐，無咩食過 東向西飛既關係用左成五個鐘先去到香港。 其實係咪機場無行李帶用，點解要將幾班機既行李炒埋一碟。 R爆頭都諗唔明，個個對架行李車埋去好似趕住去死咁。 快運未找地勤數係對你差D嫁啦。 完。

影完車又無咩野做，落到地鐵站諗住求其篤個站就搭去行下， 點知見到個幾熟悉既地名，南千住， 點解會知係因為果到有個JR貨物既調貨場， 我其實鍾意車頭多過客車，要搵一次去行下JR貨物之旅。 點知成個站都無咩車同埋鐵絲網圍實哂。 行下行下望見Google Map上面有條火車線，都電荒川線， 之前睇書都睇過有鐵膠巴打黎影呢條線既車。 我自己好鍾意呢D細既鐵路公司， 佢地無JR各社咁財力雄厚，亦都未必係交通要衝(例如有機場線既南海電鐵)， 亦未必有一條好賺錢既線可以靠佢支持哂成間公司既運作(話你啊JR東海)， 更加唔好話有能力起百貨公司或者自己造埋列車， 所以呢D公司要生存比其他大手鐵路要努力多一百倍去支持住唔好倒閉， 而有D公司因為地理因素坐擁左全日本最賺錢既路線， 其他路線就hea做，幹線到今時今時仲係單線非電化，公平咩(話你啊JR東海)。 巢鴨既商店街，可能係新年同舊區既關係，商店街好冷清。 個LED Display整得好有心機。 呢個係總站三ノ輪駅。 町屋駅前 荒川車庫前 唔好問我點舛車庫入面會有架老爺車。 有一段係上山路。 大塚駅前 最後係都電雑司ヶ谷轉地鐵返上野，下次會再黎認真行下都電荒川線。

地鐵幾個站就黎到Skytree腳底，由於無做過任何計劃要黎呢到， 黎到既時候係派緊1700既整理劵，即係四個鐘之後既事， 我都係本住到此一遊既諗法所以係下低影完相就鬆人。 啊點知附近有個位好岩影下車。