未来ガジェット研究所

行完博物館一路行返去Saigon Opera House買飛準備今晚睇話劇， 酒店沖個涼，係泳池游下水，嘆返杯大啤休息下，放假嘛，又唔係第一次黎無謂咁chur。 今晚既會場係Saigon Opera House，係1898年由法國建築師Eugene Ferret設計， 佢既設計特別係個地台相對路面高兩米，可以減低周圍噪音對劇院既影響。 佢開場之前仲有個Guided Tour帶你行下間Opera House， 講下Opera House既歷史同建築設計， 仲有杯welcome drink，薑茶黎，個口味幾特別，少飲茶類唔識形容。 個座位分三層，Second Floor [O] Zone (VND 630,000 ~= HKD 220)最平因為離舞台最遠， 我而家身處既First Floor [W] Zone (VND 1,470,000 ~= HKD 500)最貴因為個View最好， 我自已係買左Ground Floor [A] Zone (VND 1,050,000 ~= HKD 360 )， 睇完覺得個[A] Zone個View都唔錯，二來係平飛貴飛都賣哂，得返呢個level揀。 行完Tour，係附近行左陣街，趁仲有D時間搵左間cafe嘆杯咖啡。 等~~開場~~~ 今次係第一次同榛名去睇話劇 岩先提過既Guided Tour有三場，買飛果陣佢會同你講埋幾點有Tour同幾點可以入場， 順帶一提買飛佢仲會送一個景點既入場劵，我果陣揀左War Remnants Museum，過兩日會講。 睇完畫劇行去食個宵夜先返酒店，呢間雞肉濛粉唔錯。 返到酒店整返罐啤酒食住花生開工(鎮守府事務)。

胡志明市無咩多，係飛機大炮最多，逢親有政府機構或者博物館就有。 F-5輕型戰鬥機，好諷刺，呢款戰機係美國設計， 越戰果陣俾左一部份既機俾南越空軍用，點知南越戰敗左之後有80架F-5被俘， 呢款機仲曾經轟炸過獨立宮(南越總統官邸)。 打仗最緊要係有個好隊友 1975年4月30日，北越坦克攻入獨立宮，南越政府倒台，標誌越南戰爭既結束。 btw 後面係個婚宴用既宴會廳..... 陸軍炮我唔係咁熟，如果有認錯歡迎留名指正。 130mm加農炮，蘇聯編號係M46，仲有同款但係中國制既叫59式。 M101 105mm 榴彈炮， 美軍裝備 ， 越共係Đông Du基地(西貢西北部)果陣用過呢支炮黎炮擊南越既陣地。 76mm炮。 A37 輕型攻擊機，美軍開發黎對付越共游擊隊， 展出緊既呢架曾經係1975年4月28號下午係河內起飛轟炸西貢既新山一機場。 一來越南既博物館大部份中午都會休息(1100 - 1330 / 1400，真係好鬼識嘆)， 二來出面落緊雨唔想周圍行，搵左間cafe hea， 環境唔錯，靜靜地嘆杯咖啡，放假應該係要咁先岩嫁嘛。 Ho Chi Minh Campaign Museum，故名思義係講緊1975年北越既春季攻勢， 北越係1974年12月12日進攻福隆(Phước Long)，一般視呢次攻勢係整個春季攻勢既開始， 一直去到1975年4月30日北越坦克攻入獨立宮為止(南越總統官邸)。 詳細可以睇維基  1975 Spring Offensive - Wikipedia 越南戰爭南越方面除左有美軍參與之外，美國幾個亞太地區既盟友都有派兵參加， 包括南韓，澳洲，泰國，新西蘭等，呢件係當時韓國軍人既身份證明。 咁美國有盟友幫手，越共亦都有盟友幫手， 下面呢個係由蘇聯生產既鏈鋸。 果陣越共為左係北部運D糧食去前線，係越南，老撾，柬埔寨邊境山林建立左條運輸通道， 一開始只係叢林山路，靠中共係1965年研發既軍用單車， 慢慢開發成一條行到貨車既道路，但係美軍用空襲摧毀左大部份北越既運輸卡車， 所以越共用返最基本既單車同人力由北到南運輸武器同糧食。 左面果位拎住既係測距儀，同係戰艦上既艦炮測距儀係