未来ガジェット研究所

返到博多，鐵道模型舖未開又牙痕想食個蛋糕， 出面又落緊大雨，搵左間唔錯既cafe嘆左個上就。 搭KA343，搭地鐵轉接駁巴士入國際線terminal， 福岡機場無CX自家Lounge，Airline全部都用Lounge Fukuoka。 一貫日本Lounge必備既咖喱飯同生啤機，但絕對唔夠JAL HND First Lounge高質， 前面個死人泡菜仔無恥到係咁撈咖喱入面D牛肉.... 好鍾意呢款啤酒機，可以打斜個杯同人手斟既生啤一樣。 個休息區都唔錯。 上機了..... KA A330 Exit Row起飛可以對住空姐 :P 牛肉薯仔，不過不失。  一個成功既植入式廣告就係我每次食士多啤梨哈根大師都會諗起兩儀式。 完了吧，如無意外。

第二朝一早起身去搭新幹線，因為今日係EVA 500系last run， 講就講左好耐但一直都未有機會試，於是一早起身去坐下。 一大清早既小倉已經好多車，買左張小倉去新下關， 指定席full哂（真係full哂）所以買左張自由席， 呢次應該係我第一次用真金白銀買新幹線車飛，平時用慣左pass周圍去。 山陽新幹線係JR西日本地頭，所以站牌既風格都跟返西日本。 到站，快手影一張就要即刻跑上車。 1號車（博多方向先頭車）改裝左做展覽室， 都幾多人排隊影相而車程又好短既關係所以影低哂先返黎慢慢睇， 入一號車果陣有本介紹既書仔送，EVA 500系Project網頁既紙本版。 500系同EVA都好正 :P 好鍾意500系個流線型既body 原本抽車剩係行一年，由2015年11月玩到2017年3月， 點知好受歡迎再延長多一年到2018年5月13號last run， 連埋博多站既EVA cafe同紀念品商店呢個project應該GP幾高。 btw下一個Project係同Hello Kitty..... 諗唔明點解一舊毛茸茸既野同講求流線型同速度既500系會撈埋一齊。 1:150版 500系同其他新幹線最大分別係佢全個車體都係圓型同非常流線型，連門口都係弧形。 放棄左舒適感提升行車速度，但累積既意見係無論運作角度定乘客都表示否定， 500系亦逐漸由東海道・山陽新幹線最快既のぞみ16輛編成， 轉為各駅停車既こだま8輛編成。 除左1號車有展覽區，2號車都有EVA風格既裝飾。 十分鐘就由小倉去左新下關，新下關停五分鐘又係欄杆所以好多人都落車影相。 連碇真嗣都落車影相wwwww 新下關就真．JR西日本範圍。 買張在來線返小倉，順手玩下個交直轉換， 而你估唔到個有新幹線停靠既站係仲係用緊人手檢票。 （山陽本線用直流1,500V，九州用交流20,000V，所以來回西日本同九州既車需要轉換電壓） 返到酒店食個早餐就出發去機場回家了。

返到小倉見時間尚早不如搭車去門司港行下， 又估唔到小倉在來線既月台又會咁有昭和感。 對比起LED Display  我都係最鍾意捲幕式既行先指示。  JR九州既車型同番號好鍾意呢種方型好似字粒咁既設計。 黎到車站梗係要影下車。 JR九州813系。 JR九州811系，可以同813系連結運轉。 國鐵415系，交直兩用車，行關門海峽去下關就要靠佢。 門司港呢個站好舒服，好有大正感覺既車站。 每次玩電車Go我都覺得個止まれ好有魔性which見到想俾油唔係收油。 返到小倉見到車站月台有檔拉麵於是食返個先。 日本既獎學金只係一個低息貸款...係要還既...呢個社會真係好痴線... 夜晚行左陣melonbook行返去車站樓下個商場食晚飯， 特登搵左間有もつ鍋既居酒屋，係九州食もつ鍋真係一流。