未来ガジェット研究所

訓到自然醒，肚餓去附近搵野食，點知個天黑哂準備落雨咁款， 一於去Ben Thanh Market附近既Pho 2000食野。 點解特登要行黎呢間食Pho呢，係因為2000年果陣美國總統克林頓都黎過呢到食Pho， 美國係上世紀90年代解除對越南禁運之後同越南既關係解凍，1995年重新建立外交關係。 叫左一份Pho同炸春卷，拿好老實，我覺得琴晚食街邊檔既Pho仲好食過呢間， 呢間個湯都無琴晚果檔咁入味，可能係琴晚果檔落多左味精都未定既。 加多份春卷，發覺炸春卷麻麻地岩食，都係普通白春卷岩口味D。  榛名: 果個就係克林頓?

趁住重陽節假期再訪西貢，計埋今次係我今年第三次去越南。 我自己都幾鍾意越南呢個國家，洗費唔算高，機票又唔算貴，我又好鍾意食越南野。 上次去西貢既時候岩岩係農曆新年，好多野都無開， 好多人都話胡志明市既治安好差， 我黎左兩次又唔係好覺有咩治安問題，可能因為我係旅客區多。 今次都係同榛名一齊去旅行。榛名！いざ、出撃します！ Note 7係我出發之前已經被高度關注，我返黎之後幾日直頭禁左唔俾上機。 假期前既Plaza Lounge多人到好似難民營咁，咁岩牙痕想食下飯就要左個湯飯， 而事實證明係唔應該做呢D新嘗試既，下次都係嗌返魚蛋粉。 食返碗魚蛋粉，成個感覺唔同哂。 嘆埋第二杯啤酒，開始有D醉，一陣上機訓返兩個鐘岩岩好。 油王A380 留唔留意到後面仲有一隻油王既機。  今次坐因航A330，第二次坐呢隻機型，上次搭因航去新加坡都係A330黎。 黑田: 架機都算唔錯  = 比A320好 慣左周圍影下架機，今程機都幾空，入座率我諗得4-5成。 咁都有Note7既警告pop up。 熄哂燈taxi緊去跑道頭果陣，竟然見到HAECO門口停左因航兩位女皇， 手機影得好差，左手邊仲有一位係到，呢張剩係影到佢既垂直尾翼。 好老實，食完ANA個餐之後因航既ECON餐真心麻麻， 食左兩三啖就算，個意粉煮得仲衰過快餐店....  話咁快就Final Approach，越南既夜晚比我想像中光(唔係指lux level，係指城市發長程度)。 申請左Visa on Arrival， USD$8一份Visa Letter，USD$25係落地簽果陣俾佢， 等Visa 果陣順手買左張電話卡，盛惠USD$10， 不過基於費事煩同一陣有機會要用到上網既關係呢到就由佢賺。 最最最最最容易俾人搵笨既時間就係岩岩出機場既時候， 建議多少都要換一定既VND係身，先減去一個俾人搵笨既機會， 如果用美金一來匯價唔好，二來越南紙面額大，好容易找到亂哂， 係越南搭的士最緊要一樣野，揀大公司既的士， 例如Vinasun / Mailinh，再減去一個俾人搵笨既機會。 出左機場呢兩間公司都有自己既

返到長野搭新幹線落老秋。 咁坐車又點可以無零食，咁有零食又點可以無highball。 個gip岩岩好放入E7張椅到，fit到漏。 黎到老秋都係基本行下kbooks melon tora，如果佢唔係成百蚊一條我會買條返屋企。 大和: 我是旅館？才…才不是呢！ホテルですってぇ？ち、違います！ 朋友岩岩收工，搵佢去老秋食肉の万世。 食完飯佢返琦玉，我就梗係去老秋打機， 今次唔錯，無咩排隊就有得玩。 嗚啊赤城，第一位入手既空母。 仲有鳳翔媽媽，日本(或者應該講全世界)第一艘空母。 去到機場仲有多少時間，去吉野家食多個牛飯。 ANA飛機餐真心唔錯，食完個牛飯都可以成份餐食哂。 到香港再去Arrival Lounge食個早餐，準備返地獄。 完了吧，如無意外。

一早起身落樓下食個早餐先。 今次去Toyota 租車，非常方便，上網俾埋錢仲有Discount， 照舊租左架K Car，我唔知個咪數錶有無tune過啦，不過架車真係同新車一樣。 好大雨.....向松代城出發。 呢架車好既地方係佢多左個後波鏡頭，不過架車其實好細架， 咁都泊唔到真係還返個牌唔好害人。 松代城係由名將武田信玄築城，剩係呢個原因都值得黎參觀， 不過松代城都係城跡，並無復修到。 而且好大雨...條路水浸....行完基本半身都濕哂....  行埋過附近既真田寶物館同舊真田宅參觀，好鍾意行呢類舊既和式住宅， 例如千反田屋企(加茂莊花菖蒲園)同高山陣屋。 加茂莊花菖蒲園:  201308 日本20タワー之旅: Day 9 加茂花菖蒲園 千反田宅 聖地巡礼 高山陣屋:  201411 日本中部，東京近郊之旅: Day 4: 高山市，高山市政紀念館，高山陣屋 榛名: いい雨だね。 搶左時雨句台詞既你.... 去完松代城就揸車去関山神社，沿山路一直行去妙高山。 不得不佩服日本既GPS導航，佢有一段路因為路面工程要單線雙程行車， 而個GPS係會提你前面單線行車。 揸左一個鐘車，終於到左関山神社。 好大雨，機都揸唔到咁滯。 講得係妙高既主社，當然有妙高既物品， 拜殿入面既相同文件都係妙高既乘員，三上卓海軍中尉奉納。 有機會想同榛名去佐世保行下，當然江田島都要去。 妙高型真係唔錯，5基20.3連裝炮，4基12.7cm連裝高角炮，4基4連裝魚雷管， 終戰時候姊妹中只係剩低大家姐妙高，同樣係重巡既高雄型亦只係剩低大家姐高雄， 而妙高同高雄都係係新加坡迎接終戰，一齊係馬六甲自沉。 20.3cm 練習彈同12.7cm練習彈，兩款炮彈都係妙高有用過既炮彈類型。 臨走影多一次神社，真係好大雨.... 今次架車，都算唔錯，幾舒服。 頂，落雨都算，而家起埋霧，一上山區個能見度得返三十米。 揸揸下果陣發覺左樣野，個引擎空轉幾秒就會熄火，你一放brake果下佢就會撻車， 但我真係有D好奇咁樣係咪真係會慳左油 / 少左排放。 費事係咁大