未来ガジェット研究所

一早起身食返個東橫Inn早餐，例牌既飯糰肉丸沙律腸仔味噌湯。 搭日南線向飫肥城進發，時間尚早去青島神社行下先。 國鐵Logo既風扇。 好鐘意呢類金黃色既田。 唔，個站名奇奇怪怪咁。 AOSHIMA，TAMIYA，FUJIMI = WATERLINE SERIES 係青島落車去青島神社行下。 架車個路線指示都仲係用緊人手去換。 好大風.... 青島上面有好多熱帶植物，有兩個學說去解釋呢個現象， 漂浮歸化植物說，種子/生木由南中國海，菲律賓同台灣經日本海流沖到青島， 殘存說，青島既熱帶植物係古代一路留存落黎，逐漸適應氣候生存落黎。 [唔係植物學家，資料係抄宣傳單張] 橋兩邊有個日南海岸既特殊地形，鬼の洗濯板， 由海岸沖刷形成泥岩同砂岩既交互堆積而成， 因為形狀似洗衫板所以叫"鬼の洗濯板"。 青島係古代成個島都被視為聖地，江戶時代次前一般人係唔俾進入青島， 除左農曆3月16到3月尾，一般人可以進入島內但外地人唔可以拜祭青島神社， 直到1737年先全面開放拜祭。 我發覺可能我樣衰，D貓唔係好鍾意我。 行完青島神社，隔離個公園仲有個亞熱帶植物園， 植物我識條鐵咩，都係當散步行下。 喂點解有條魚尾獅係到既， 原來佢同新加坡植物園係姊妹關係。

返左大分先搵野食，原本係Book左大分既東橫Inn， 見時間尚早就cancel左劃左班特急落宮崎。 熊奶(X) 球磨奶(O) 787系電聯車，非常舒服，Leg room又夠， 唯一可以挑剔既係佢無頭頂個行李架。 買左個燴蕃薯上車食，好在唔係好大陣味，不過架車亦無咩人。 沿住日豐本線向南行，經過佐伯灣既造船工業用地， 赤城係出發去珍珠港之前曾經黎過呢到，九三一航空隊亦都係駐守係呢到。 冬天好快天黑，到宮崎果陣個天已經黑哂。 其中一個遺憾係坐唔到海幸山幸，佢得土日祝有車， 其餘既特別列車除左SL人吉我都坐到哂，唔係阿蘇行既Aso Boy都坐到，後幾篇會講。 過馬路佢有個Sensor睇下有無人等緊， 制都唔洗按。 個燴蕃薯仲係好飽，食個Mister Donut先再諗。 返去順手係便利店買件炸雞就算，費事周圍行。 我發覺有時日本D電視節目都幾騎呢， 呢個係搵左幾個女仔碌Ling，點睇都似賣囡多過體育節目， between 側邊係有好多fans.... 然而更騎呢既下個節目係Mr. Bean ....

行完個無咩野睇既城跡，搭豐肥本線去岡城， 豐肥本線因為地震既關係有一段係用巴士代行， 原本想試下劃班九州橫斷特急但係因為減班既關係一日得返3班車， 下一班要等兩個幾鐘所以都係算了，等佢完全復舊再黎過。  キハ220形氣動車，整體感覺新淨同設計俾單人運轉(ワンマン運転)用既。 係香港無咩食水果，又貴又難食， 去日本旅行最鍾意食士多啤梨，夠平又新鮮。 由大分去豐後竹田都幾遠，60km差唔多搭左一個鐘十五分鐘先到， 天氣唔錯，個天好藍。 向大分方向既九州橫斷特急。 去日本鐵道旅行係一件好舒服既事，坐住火車係山間田間妹下妹下咁行， 雖然個景唔係咩大山大水但係個人好放鬆。 終於俾我見識到荒川老師(鋼之鍊金術師個作者)係百姓貴族講果種用塑膠帶打捆包起放係田既牧草， 有興趣請自行參考漫畫百姓貴族。 豐後竹田到著。 廣瀨武夫個名好熟，剩係記得係 三笠 見過佢個名。 (紀念艦三笠，日露戰爭時期既聯合艦隊既旗艦， 東鄉平八郎既座艦，現作為博物館保存係橫須賀三笠公園) 後來岩岩新年係靖國神社遊就館睇日露戰爭果部份， 先記起佢係旅順港閉塞作戰既軍人，坂上之雲都有提過佢， 得閒要重溫下日露戰爭先。 Copy From Wiki 明治37年參加日俄戰爭的旅順港閉塞作戰， 3月27日，率領18人敢死隊駕駛充當閉塞船的貨船福井丸號， 抵達座標前曾遭俄驅逐艦魚雷攻擊。 撤退時，廣瀨折返船艙尋找負責點燃引爆自沉炸藥， 但仍未於救生艇報到的杉野孫七上等兵。 在不得已放棄搜救後，甫走上甲板，廣瀨頭部遭俄軍砲彈擊中而死，享年36歲。 岡城 貼錯，呢個先岩，岡城係山城，築城於1185年，廢於明治時期既廢城令， 最出名係風景同有首歌叫荒城之月，下面有youtube link 可以試聽。 岡城既介紹同地圖係一卷卷軸黎，做幾有心思。 行山城呢... 係需要大量體力... 除非果座山旺到岐阜咁有纜車。 大手門跡 大野川，辛苦行完一輪個景係值得上黎既。 可以望到附近既祖母山、傾...