未来ガジェット研究所

買左張TYO-HKG-AKL既機票，早一日飛去東京hea一hea再搭飛機返香港當個weekend trip。 係出發之前曬一下 1 take pass電單車強制試 晏就同朋友係荃灣食個晏再搭機場巴士入機場。 去Lounge食個晚餐，一陣UO要捱幾個鐘。 岩岩先留意到原來MarcoPolo個行李牌pattern係有D分別。 第一次Online Check In rand到exit row前一行。 照舊住蒲田，又照舊去返平時食開果間居酒屋。 食個吉野家埋尾。

續上回 用瓦通紙做田既面，照舊用白膠漿痴上去。 開始整植被之前放埋個站上去睇下個感覺。 同樣用コースターフ，但係用綠褐色同淺綠色加埋本身有既綠色去做唔同深淺層次。 中途成手污槽野無咩影相，直接跳到完成。 一樣係キハ110做model car. 成個場景之中其實我覺得條路係整得麻麻地。   完 今次係第一次整場景，好多位都係以try and error既心態去做， 最估唔到自己明明以前讀書最憎係上VA，今時今日竟然會去砌模型油顏色。 已經買左一塊新既底板去計劃下個場景，下次都會寫blog記錄下個制作。

續上回 之前做錯左一個決定就係無墊到水松板係底， 亡羊補牢即刻出左去買料整返好佢， 今次用中南買既3mm水松板。 𠝹左個型出黎，如果路軌都有水松板墊底甚至正確應該係要墊高過地面就會四正好多。  𠝹返條路個形出黎，用僅餘既高度做D高低差。 搽白膠漿，落埋茶色沙面。

續上回 試完個POC就整埋個實際場景，同一方法同一步驟。 路軌頭尾用Blu Tack兜個圈做個圍網。 等一晚膠水乾左擺埋架車上去試下感覺， 順手plan埋前後兩個空間要點配置， 今次用左DE10做試車。 順手噴埋色，同樣係 Mr. Color 41 Red Brown。 聽日返到去可以做埋個舊化。

續上回 整完個站諗埋個場景既地台， 係12蚊店搵到一個放模型用既陳列箱， 就以呢個為基礎去做下一步。 放個站上去度下位置，順手放好堆條路軌(KATO 21-000)。 放埋架車上去試下高度同整體感覺，圖中係キハ110形氣動車。 入正題，實際係底板上面舖路之前係普通膠板上而做一次POC以免出事， 用左塊之前砌船剩低既PLA板，同一段路軌做POC。 道碴用TOMIX 8196，下次行開日本買D會津出品既黎試下， 上次買埋TOMIX 8100用黎痴場景。 將道碴直接倒落去。 原本計劃係用Blu Tack圍個範圍出黎再倒膠水， 點知Blu Tack唔夠，照做住先。 等左一晚，乾哂再用噴筆上色， 用Mr. Color 41 Red Brown，又係以前砌船留落黎既設備同材料。 順手show下個新抽油箱，搬新workshop順手重新整過個抽油箱， 右邊個筆架係用3D printer自己print既，相當平靚正。 噴完再用Thinner抹走路軌面既油，暫時完成。 差左深淺色同舊化，要等油乾哂先繼續。 搞掂POC可以開始整堆正式場景既道碴了。

今個月岩岩搬完workshop，地方大左可以開始整下場景， 計劃先用個細場景做下POC先，再計劃大場景點搞。 細場景打算做一個Local線非電化既站台，到時用キハ110黎跑下。 於是拎返年頭係TomixWorld抽獎中既車站出黎， 想砌起佢想左好耐，今日有多少少時間一於搞埋佢。 建物コレクション 103  駅F 景品，真係抽獎抽返黎無花無假。 個盒雖然大但係內容物唔多， 第一次砌TOMYTEC發覺D模開得唔錯， 上好哂色有哂層次，舊化都唔洗，剩係要做D水口位既執色。 因為佢係以北海道既Local車站做藍本，所以駅名標都係北海道既車站。 先砌左連剪都唔洗既待合室， 考慮緊加盞燈膽色既室內燈俾佢。 呢到整錯左D野，我剪水口果陣當左隻腳仔係水口剪埋.... 結果之後用膠水痴返實，好在都救得返。 D欄杆原生上色做得唔錯。 完成下部結構。 整埋配件，兩支倒後鏡(?)同一支好有龍貓感既街燈。 痴埋上去再放埋待合室，完成！   整埋個地台再放車試。