202510 作為酒鬼一生人要去一次既慕尼黑啤酒節：Day 5 德意志博物館交通分館
去到旅程既一半，其中一樣必須要做既就係洗衫， 唔同日本係酒店大堂有coin laundry， EU好多地方都要拎去出面既自助洗衫洗。 搵左間係哥德廣場（搭一個站U-bahn）既洗衫舖， 有張無限搭pass就係爽。 開6點岩哂我呢d仲係亞洲時區既人，一邊洗衣機一邊乾衣機。 全部大型機好過日本Sanyo 100V電乾衣機。 收錢係部總收銀機，洗衣乾衣都係襟個機器number再入錢遙控。 Kassenautomat Kasse = cashier = 收銀 （早幾日夜晚Beer Garden買啤酒果個位既名） Automat = automatic machine = 機 個n係做連接詞去連起兩個名詞， 見得多左係發覺到德文字唔係水蛇春長而係可以有辦法有規律可以拆開。 又例如右邊既 Waschmitteldosierer Wasch = Washing = 洗 Mittel = substance ＝ 物質 Dosierer = dispenser or doser = 投放既機 Waschmittel加埋就係洗劑，Waschmitteldosierer加埋就係洗劑投放機 一個字入面包左三個名詞但又拆開左又好易明。 左邊襟制既1／2 Große Maschinen = 大機 Große = big 而Große係複數 Maschinen = machine 都係複數 Waschen = Washing Trocknen = Drying 出奇地係有英文Meun揀，LCD Moon有時影唔到相。 Sprache = Language 等洗衫果陣去左附近食個pretzel， 仲有個極邪惡美國式改版：芝士煙肉pretzel，有咩可能會唔好食。 食完野轉乾衣要再等30分鐘，係周圍行下街， 鬼滅去到德國都有上。 Kino ＝ 戲院 拎完衫返酒店擺低岩岩好時間去博物館， 交通博物館呢邊係德意志博物館既分館，佔地都幾大同可以行足一日。 入場同樣係Museum pass 包既。 我夠膽呢個畫面講無一個男人見到唔心動。 左邊（係，的確係係個館既左邊）一開始就講近年既EV發展同CO2 emission etc etc 老實講呢部份講到揸ICE車用My car係罪人咁，係咁而行過就算。 學左新字ÖV = Öffentlicher Verkehr...