未来ガジェット研究所

話說出發前一星期係京都做緊野果陣收到老細message係到噓寒問暖， 我「你想講咩就講唔好兜圈(´･ω･`)」 老細「有無時間下星期頭去一去漢城個現場見下個客(ゝ∀･)⌒」 我「( ╯' - ')╯ ┻━┻」 呢條友無事獻殷勤我都知無好野，拿拿聲做完野星期六返東京再星期一飛漢城。 東京出發搭日航係羽田飛金浦，金浦機場感覺係似羽田機場近市區好多同地鐵直通， 仁川機場似成田，由市區出發機場巴士要差唔多一個鐘車程。 習慣一早入機場係Lounge做下野等上機仲有free flow野食野飲仲可以沖個涼刷個鞋， Oneworld羽田兩個Lounge，因航自己既Lounge同日航Lounge， 作為因航會員雖然我成日鬧但無可否認因航既Lounge係好四正。 羽田CX Lounge雖然只係Business 但係咁多CX Lounge之中服務同設備都排得好前。 最近好鍾意食日航咖喱飯同羽田始終都係日航Flagship機場， 論用餐區裝修比The Pier / CX 羽田Lounge都無咁精緻優雅，比較似食堂或者一般餐廳。 論沖涼房比The Pier亦稍嫌不足，但野食質素同四大啤酒牌子既生啤機齊備加分唔少。 我亦非常鍾意Lounge個入口既香薰，鍾意到係買左同款擺左係屋企（機內販售有賣）。 睇住飛機食下壽司飲杯啤酒係開心既。 PK-GIF 印尼政府既機 747 ヾ(*´∀ ˋ*)ﾉ 日本出發前一定一定要食個日航咖喱飯先完成個「出国の儀」(*´∀`)~♥ 食完野沖個涼鬆一鬆， 其中一個我覺得日航Lounge沖涼房唔夠好既地方係佢無咩位俾你放衫放袋， 因航The Pier First 有長椅可以沖完涼坐係到攤一攤個人， 日航Lounge呢個沖涼房得張圓櫈好似係越南街邊大排檔咁， 牙刷同剃鬚刀都係係reception拎鎖匙果陣問佢拎埋， 我隨身有牙刷袋所以無問題。 另The Pier First係有Housekeeping帶你入去開門俾你，日航Lounge要自己拎鎖匙。 但佢毛巾係用今治タオル我係非常鍾意， 亦好推介大家去用呢個牌子既毛巾，夠軟熟同洗乾都唔會好快起毛釘， 我自己面巾沖涼巾同手巾仔都係用今治，日航出既手巾仔都係今治我有幾條用緊非常舒服。 好鍾意呢支成碌實心鋁既鞋抽，fing果陣發發聲好岩擺係更衣室用黎扑鳩老細同on9客ᕕ ( ᐛ ) ᕗ 沖完涼仲有時間，日航Lo...

好耐無寫遊記，今次想講下上個月去左德國既 慕尼黑啤酒節 同市內既博物館。 第一次去德國，上次去比利時德文同荷蘭文為主d人唔太願講英文， 朋友話德國人基本都識英文（雖然發音有d怪）同人係nice既， 佢講到流利 英日德中四個語言，我拉佢衫尾周圍去同靠GPT算係無驚無險， 一路上佢同我解釋左好多有關德文同荷蘭文既相似性， 而又點解今時今日既英文咁多特殊情況既發音同造字，令旅途生色不少， 但德文係相當有系統which好「德國人」， 對比起英文撈下法文撈下自創，一有解釋唔到就叫你死記， 德文研究起上黎係幾有趣。 講起德文發音，我有次讀錯個客既名搞到俾個 receptionist笑， 佢個名係Jens，我跟左英文發Jens但應該係德文發Y音類似Yens， 自此之後去見新客係鬼佬既話我一定會先查下佢邊到人。 此行主要目標係去行下慕尼黑啤酒節， 以前係澳門做野果陣，老細每年都會係MGM個 Oktoberfest搞員工活動， 一直都想去一次真既Oktoberfest見識下。 慕尼黑啤酒節 既德文 Oktoberfest 好直觀就係 October + Festival， 每年九月底到十月初係慕尼黑舉辦，我身為一個酒鬼係絕對唔可以錯過。 但亦因為係節日既關係，市內既酒店非常貴， Marriott要300 EUR以上差唔多40k JPY， 最後揀左係車站附近既local酒店Hotel am Sendlinger Tor， 個名本身亦好簡單直接 am = at / by 去理解就係。 德國係歐盟區，貨幣用歐元，大部份地方都可以通行信用卡， 因為治安同處理現金既行政費太貴，多左好多舖係講明card only。 我呢三次都剩係 Oktoberfest同 洗衫舖有用過現金。 消費比起平時生活既日本非常昂貴， Cafe一杯Latte要4歐，兩個人食個奄列多士加杯野飲， 一個早餐可以上到15歐 ＝ 2500羊， 係日本奢侈極去椿屋咖啡食早餐都係1500羊。 剛才提到過德文係好有系統， 有時見d meme水蛇春咁長既德文字只係佢將幾個名詞合埋左一齊，例如： Bahn = Railway  (Bahn 讀班+n音收尾) U-Bahn =  Untergrundbahn =  地鐵， 拆開係 Untergrund =  Underground  B ahn...