201701 在關島尋找二戰足跡: Day 2 潛下水

一早起身野咬左兩啖包就落樓上車去潛水，
呢間潛店剩係搞體驗潛水，我費事揹咁多架生過黎所以無去玩船潛，
剩係帶左Mask同錶同相機。

天氣好好，終於有返D太平洋小島既感覺。

如果唔想濕身可以俾幾蚊去浮筒睇魚。

其中一個教練。

人地(海龜)心黎諗你班友阻住哂個海。

教練會帶幾條腸去引魚。

返到酒店沖個涼準備出去搵野食，藍天白雲有海風吹住真係好舒服。

"如何充分利用酒店設備"

由酒店行過對面K-mart果五分鐘路程都就黎熱熔我，
對左兩杯可樂先回返順條氣。

 好似幾過癮咁，戴住個頭盔係海底行。

竟然0200至0900係禁酒，朝早想飲啤酒做早餐唔得既咩?

下午就係攤左係果張紅色梳化睇書吹海風，完全放鬆哂個人。

夜晚去左食牙買加菜，呢個係佢自稱既一人餐，
然而係未上齊菜...

仲有個主菜係到，呢個份量夠我食一日三餐，
結果我打包左雞翼返去做小食(點知食到第二日既午餐先食完)。