未来ガジェット研究所

呢日去左行下outlet同潛水，hea下hea下又一Day。 呢日潛水好大浪，揚起哂D沙，影唔到D咩所以都費事upload。 夜晚去左琴日揸飛機果陣個老闆(台灣人)推介既日本野， 係美國食日本人煮既拉麵。

呢日去左成個旅程最想玩既一個活動，揸飛機， 都係公司會派車黎接我去機場。 [9up] 細細個去龍翔道豐力樓對出睇飛機降落已經覺得好神奇， 點解咁大架飛機靠四個引擎就夠力飛上天， 大個慢慢睇書學個飛行原理，分機型(between 我最愛係747，空中巴士麻煩收皮)， 學睇航圖，學睇Metar / TAF，聽ATC，學玩Flight Simulator同睇ACI。 好遺憾係細個屋企窮，無試過係啟德起飛， 大個搵到個錢，一有假期就會搵地方飛， 廉航興起左之後去十八個鐘大阪都好開心， 到而家無論係長trip定短trip，一出門口去機場個人都會好興奮。 [/9up] CESSNA 172，玩Flight Sim飛五邊果陣就係用呢個機型去練， 單引擎四座位，無得收起個起落架。 坐定之後教練會做start up，1/4 throttle Mixture rich， 開油泵然後就可以撻車，同tower radio check然後就可以taxi去runway起飛。 (簡略左好多步驟，詳細請自行查閱廠方check list) 左邊係在下，右邊係教練，識講廣東話既台灣人， 仲有幾位係日本人既教練，in between呢到就正正係琴日跳傘出發果到隔離。 Taxi到跑道教練會俾油，到V1就輕輕拉後個yoke起飛， 呢個動作玩flight sim做過無數次但真係揸緊架飛機既感覺差好遠。 飛飛下果陣教練問要唔要試下俯衝， 心同口講都係唔洗既，但個情況係 "Relax 好輕鬆既姐，拿你手放上面(頂住個機頂)，另一隻手捉住張椅，準備好就黎啦" (推Yoke) "啊啊啊啊啊啊啊啊啊" (拉返平架機) "O唔OK，我地岩岩俯衝左200呎，由千三呎去左而家千一呎" CI006 個機師真係好勁..... FYI:  中華航空006號班機事故 唔好問我點解咁矇.... 因為個窗好污糟.....     揸完飛機返黎去搵野食， 因為果日係星期日既關係好多都係剩開午市或者休息， 行左去酒店對面搵野食，我原本仲諗緊果晚食咩好， 見到個飯我就知可以慳返唔洗諗，食多餐都仲夠。 ...

第三日又係一早起身，呢日既活動係去跳傘， 晨咁早就有pick up 車你去機場，填哂生死狀就入去著裝備。 我到而家都諗唔明點解我會去跳傘， 生平最憎就係D離心力活動，過山車海盜船跳樓機都唔岩玩， 但試過一次之後覺得都ok既，但叫我玩多一次就不了。 另外一個原因係都幾貴，用呢個budget我prefer去揸飛機。 俾多一舊水拍埋片。 教練係地面示範下點樣出機門， 係flight sim揸就揸得多，呢次係我第一次坐螺旋槳機。 藍天白雲~~ 今次既跳傘高度係14000ft。 由於D相大部份都係頭髮口水周圍飛既相所以都係唔貼， 景係幾靚但唔會再試，以上。 跳完傘返去訓個晏覺平衡下D耳水， 行左過對面個shooting range 玩下槍， 呢次唔係第一次開槍，上次係越南都有玩過M16， 呢次試左.357 手槍同 9mm手槍。 利申一次我既最愛係SVD 由於好鬼熱既關係係酒店個泳池曬下蓆訓下覺又一日。 隔半個鐘就有直昇機 / 戰機飛過頭頂。 啊屌啊岩岩先發現俾魚咬左幾啖。 hea到肚餓係附近既餐廳食越南野， 我好鬼鍾意食越南野，呢到個Pho都幾地道， 但份量多過胡志明市 / 河內一倍有多，價錢直程係幾倍有多。