201701 在關島尋找二戰足跡: Day 3 跳傘 + Shooting Range

第三日又係一早起身，呢日既活動係去跳傘，
晨咁早就有pick up 車你去機場，填哂生死狀就入去著裝備。

我到而家都諗唔明點解我會去跳傘，
生平最憎就係D離心力活動，過山車海盜船跳樓機都唔岩玩，
但試過一次之後覺得都ok既，但叫我玩多一次就不了。

另外一個原因係都幾貴，用呢個budget我prefer去揸飛機。

俾多一舊水拍埋片。

教練係地面示範下點樣出機門，
係flight sim揸就揸得多，呢次係我第一次坐螺旋槳機。

藍天白雲~~
今次既跳傘高度係14000ft。

由於D相大部份都係頭髮口水周圍飛既相所以都係唔貼，
景係幾靚但唔會再試，以上。

跳完傘返去訓個晏覺平衡下D耳水，
行左過對面個shooting range 玩下槍，
呢次唔係第一次開槍，上次係越南都有玩過M16，
呢次試左.357 手槍同 9mm手槍。

利申一次我既最愛係SVD

由於好鬼熱既關係係酒店個泳池曬下蓆訓下覺又一日。

隔半個鐘就有直昇機 / 戰機飛過頭頂。

啊屌啊岩岩先發現俾魚咬左幾啖。

hea到肚餓係附近既餐廳食越南野，
我好鬼鍾意食越南野，呢到個Pho都幾地道，
但份量多過胡志明市 / 河內一倍有多，價錢直程係幾倍有多。