未来ガジェット研究所

岩岩買左個新底板可以擴充線路， 但新買既路軌同波口未到，所以用舊既軌砌住黎玩住先。 暫時配置係咁，對向式月台果邊會做多一個貨物Terminal同入機關區。 砌好軌順手試下用3D printer整既U19A同21T貨櫃。 EF210 132，我第一架EF， 後面拖緊既係KATO既コキ106+107十輛set另右兩架散裝コキ。   未塗裝既白色同黑色U19A， 白色既計劃會做塗裝，黑色既U19A係打算做日本曹達既黑色U19A貨櫃。 未塗裝既白色22T1，初次試用打印既水貼，效果唔錯，可以再試其他。

回程搭09:55出發既EK380，一早起身食個早餐就飛的去機場， 杜拜機場無我想像中咁金碧輝煌，反而個感覺似DMK果類細機場， Terminal 3係EK既主場，可能其他Terminal會好D既。 跟左唔同目的地分區check in，係隊尾有人會問你去邊，岩區先俾你排。 排左十五分鐘咁上下，條隊都幾混亂， 又有堆人check in完都企係櫃台，個staff又照嗌下一個埋去，炒埋哂一碟。 落機會唔會變左電視碎.... "登鄧凳登燉~~~" (XP Login BGM) 杜拜機場無Plaza Lounge，時間又唔夠坐低飲杯野， 周圍行下Duty Free就算，不過duty free都無咩野行。 回程坐A380，第一次坐雙層巴士。 呢架A380個in flight entertainment 差過去程架777好多，個moon神神地。 A380個seating plan同距離同777差唔多，都係3-4-3位。 一上機有早/午餐，個牛肉幾入味，D豆賣相唔好但食落唔錯， Cracker同芝士令我諗返起係NZ果陣既早餐， 去supermarket買D就黎過期既特價cracker set去公園食， 個甜品幾高質，椰奶西米布甸，有椰子係入面幾好咬口。 得一餐正餐，就到香港果陣有個輕食餐， 唔知點解好有樓下茶記下午茶餐既感覺。 架機停定changeover果陣D燈會閃一下， 停定熄Engine轉APU閃一次，APU轉Land supply閃一次， 唔講我以為坐緊以前係關門隧道要交直轉換。 A380既好處係你可以同幾百人一齊等行李， 我個細喼都等左半個鐘先出到黎，仲差D miss左班A車。

呢幾日都係一早起身食個酒店早餐就返工， 晏就叫外賣係公司食， 夜晚係酒店附近搵D野食，食完就訓，健康人生(?) 酒店早餐，食到第三日已經覺得好悶。 晏就食roll。 Merguez，牛肉腸既一種，據維基講話起源自北非，但中東同法國都好流行。 都幾好食，係燒得有d乾。 早餐，已經放棄去諗揀咩食。 晏就食kebab。 夜晚落左樓下飲杯啤酒。 順手食埋野，個雞肉麻麻地，煮得好鞋。 Lahme Bil-ajin，又名Arab Pizza， 用酥餅皮包住牛肉餡，麻麻地岩食。 唔岩食個程度係我行緊返去果陣牙痕去買左兩個營多(杯麵)。 唔洗試，唔好試，好難食。 第三日早餐，已經放棄去諗揀咩食， 但發覺長米除左配咖喱，配茄汁豆都好好食，後黎係日日食。 晏就唔記得係食三文治定咩，夜晚係酒店樓下食左個buffalo wings， 出奇地幾好食。 今日試下鷹嘴豆汁，又幾好食，好岩配長米食。 晏就同同事去左樓下食咖喱，第一次同真。印度人一齊食咖喱， 佢嗌左一種(佢同大廚用印度文落單，聽唔明)佢話係佢家鄉整法既naan， 個質地無我地平時食開既naan咁乾身，似手抓餅質地。 夜晚都係落酒店樓下食野，逢星期四晚(佢地星期五六係放假)係BBQ night，一於食串燒。 順手食埋個杯麵，費事拎返香港，個杯麵同齊格一樣，真係好難食好難食。 最後一日早餐，個餅幾好食。

轉左新工，返工第一件係去杜拜總部同CEO見面， Admin姐姐幫手劃左EK來回，去程倒塔咁早但岩岩返工唔反抗住， 下次都係同佢講我自己買飛。 一早搭巴士入機場，睇住前面架私家車掃埋欄。 未夠鐘check in，入arrival飲杯野先。 整左online check in，個gip帶左工具袋所以都係要排櫃檯， BNO去杜拜要搞簽證，SAR唔洗，於是拎左本陳年既passport出黎用。 Check in 完去Gate 40食個早餐， 時間太旱，check in完Gate 1去Gate 40架火車未開， 久違地由Gate 1行去Gate 40，仲有時間去Gate影定相。 唔黎Gate 40食下野好似無出過門咁。  去程坐777，回程坐A380，大風筒 :P 第一次坐EK，Econ個感覺同CX差唔多。 但EK個In Flight Entertainment係做得幾好，D戲都幾新， 我幾鍾意佢個flight map，有cam可以望住taxi同rotate。 我最鍾意係呢個mode。 EK387有早餐同午餐，早餐不過不失。 睇左陣文件，開左pop team epic 出黎睇，睇到呢段岩岩空姐行過。 午餐都係不過不失，比較有驚喜係竟然有啤酒，反而上次飛MH無。 臨到果陣機長廣播話出面32度，feel到出面D太陽夠曬死人， 臨埋gate果陣唔知咩原因停唔岩位，但D人有理無理已經起哂身， 空姐要開咪嗌人坐返停，然而無人理佢，再行果陣有幾件仆停左。 DXB幾個terminal都有呢類型既大lift，算唔算people flow design fault? 入境要排半個鐘咁上下，出去等行李都等左半個鐘。 出機場飛的去酒店，住係公司附近，行十分鐘就到office， 我公司應該係常客黎，個個同事都問係咪住呢間， 一般商務酒店企理就ok。 窗口望出去唔知係隻窗太耐無洗定風沙，無論早午晚都係灰矇矇。 附近成個區都係商業大廈，酒店同Apartment。 話說我部公司l...