201801 杜拜公幹: Day 1 HKG-DXB EK387，Mall of Emirates

轉左新工，返工第一件係去杜拜總部同CEO見面，
Admin姐姐幫手劃左EK來回，去程倒塔咁早但岩岩返工唔反抗住，
下次都係同佢講我自己買飛。

一早搭巴士入機場，睇住前面架私家車掃埋欄。

未夠鐘check in，入arrival飲杯野先。

整左online check in，個gip帶左工具袋所以都係要排櫃檯，
BNO去杜拜要搞簽證，SAR唔洗，於是拎左本陳年既passport出黎用。

Check in 完去Gate 40食個早餐，
時間太旱，check in完Gate 1去Gate 40架火車未開，
久違地由Gate 1行去Gate 40，仲有時間去Gate影定相。

唔黎Gate 40食下野好似無出過門咁。

 去程坐777，回程坐A380，大風筒 :P

第一次坐EK，Econ個感覺同CX差唔多。

但EK個In Flight Entertainment係做得幾好，D戲都幾新，
我幾鍾意佢個flight map，有cam可以望住taxi同rotate。

我最鍾意係呢個mode。

EK387有早餐同午餐，早餐不過不失。

睇左陣文件，開左pop team epic 出黎睇，睇到呢段岩岩空姐行過。

午餐都係不過不失，比較有驚喜係竟然有啤酒，反而上次飛MH無。

臨到果陣機長廣播話出面32度，feel到出面D太陽夠曬死人，
臨埋gate果陣唔知咩原因停唔岩位，但D人有理無理已經起哂身，
空姐要開咪嗌人坐返停，然而無人理佢，再行果陣有幾件仆停左。

DXB幾個terminal都有呢類型既大lift，算唔算people flow design fault?

入境要排半個鐘咁上下，出去等行李都等左半個鐘。

出機場飛的去酒店，住係公司附近，行十分鐘就到office，
我公司應該係常客黎，個個同事都問係咪住呢間，
一般商務酒店企理就ok。

窗口望出去唔知係隻窗太耐無洗定風沙，無論早午晚都係灰矇矇。

附近成個區都係商業大廈，酒店同Apartment。

話說我部公司laptop(臨時)係阿拉伯文keyboard，
我搞左好耐都係分唔到究竟0-9係點寫，順帶一提佢地既硬幣係無阿拉伯數目字....

坐火車去Mall of Emirates行下，據講果到有得溜冰同有企鵝，
純粹想體驗下係沙漠中間見到企鵝。

可以由機場搭火車過黎，下次有機會會試下。

搭一個ZONE加新卡要6 AED，入站出站都係拍卡。

 

全部站都有幕門，我同事話夏天果陣(6-8月)出面可以去到50度，無人會係中午出門。

硬係覺得同日本間au好似。

30AED既焼きそば....

最終去左食印度野，有個朋友以前係加拿大讀書，
佢話平時午餐晚餐都係食印度野，我本身都唔多信，
但去完NZ同杜拜之後，發覺真係無錯，
總有一間印度野係左近。

出面32度，入面-4度，本身想入去玩下，
但望見售票處同租裝備條人龍已經想調頭走，係出面影兩張相算。

去旅行我好鍾意行超級市場，睇下當地D物價同搵下有無D made in Hong Kong既產品，
但呢個超級市場人山人海既關係行一陣就走左，
但仲大過NZ見到果D，真係好誇張。

行左陣街就返酒店訓，聽日一早要返工。