未来ガジェット研究所

今次係東京出發經香港去阿姆斯特丹， check in 果陣係counter 已經up左上PEY同supervisor出黎講生日快樂。 國泰既成田Lounge係以前美國航空AA到收購返黎， 空間好足夠但設施稍嫌太舊同野食選擇唔多， 成個風格都係平成早期既感覺，我一般都係會去日航個Sakura First。 First Lounge 黎講HKG The Pier > HND Sakura First > NRT Sakura First HKG The Wing First 人同設施都有待改善。 費事一陣又俾人話我踩港又話咩大鄉里先唔鍾意國泰。 利申返國泰DM，上年CX飛左66轉，Oneworld total 80轉。 你地有興趣可以睇下呢個post，非～常～有趣 : ) 美股認真討論區MMMDCCCLXXXVI - 分享自 LIHKG 討論區 https://lih.kg/DACPfEX 日航Lounge 嚴格黎講First 同Business個分別無去到國泰咁大， Business Lounge一樣有經手機App落A la carte menu， 一樣有沖涼房同酒精飲品供應， First Lounge 就多個壽司吧（早上同下午三點後），羽田First可以有刷鞋服務。 同樣係Home Hub，個設施同服務對比起國泰The Pier First仲有一段距離。 日航Lounge最鍾意食既Menu係咖喱飯， 和御膳同前菜set都唔錯，但最唔好既地方係個Menu固定左， 你飛多兩三次好快就厭。 而相反The Pier First既A la carte基本每個月都轉， 每期有唔同既Tasting Menu係幾有新鮮感， 上期係卅二公館Mott 32，星期日飛果陣可以update下晚餐Menu。 日系航空公司Lounge必須要有既生啤機， 前菜set入面既cold cut同豆都唔錯，我麻麻地舊炸魚。 定番既日航咖喱飯，好多年前朋友第一次帶我去HND Sakura First見識， 個咖喱飯既感覺都而家都係念念不忘，係日本出發基本都會食個飯先走， 做飲完酒既〆係一流。 * 〆 = 締め，字面解係完結，結束既意思， 係日本引伸出黎一個意思係「飲完酒食既料理」， 有時你係居酒屋會見到Menu特別有個位置係碳水類既野食， 可以係拉麵，可以係焼きおにぎり燒飯團...

好耐無寫遊記，今次想講下上個月去荷蘭既短Trip， 上年既波蘭遊記有提過歐洲對猶太人「較友善」既國家除左波蘭仲有荷蘭， 係阿姆斯特丹有一個博物館專門去講有關荷蘭係二戰時期既事，而好多都同猶太人有關。 係燕豪芬（歐聯？）既菲利浦（燈泡果間）博物館都有講有關猶太人， 想藉呢個機會記錄同補充下。 上一次既波蘭遊記： [毒撚出城] 第一次踏足內心毫無波蘭 - 分享自 LIHKG 討論區 https://lih.kg/3774744 由23年起每年生日都會飛一次荷蘭， 個生活幾chill好岩輕鬆trip唔係日日趕行程， 朝早飲杯啡食個早餐，行下博物館， 夜晚飲杯Jenever （荷蘭既Gin）又一日。 但因為已經第三次去， 大路景點例如風車村／梵高博物館果d我都無再去， 如果有興趣既請留言我稍後寫埋。 簡介一下旅遊相關資訊 荷蘭係歐盟區，貨幣用歐元，大部份地方都可以通行信用卡， 因為治安同處理現金既行政費太貴，多左好多舖係講明card only。 我呢三次都剩係洗衫舖有用過現金。 荷蘭本身係一個由大航海時代就活躍於海上貿易既國家， 對外人既態度相比起比利時／德國會更友善， Menu到所有UI同博物館都有荷蘭文同英文對照， 同城市大部份既人都英文通行，基本無咩語言障礙。 同行朋友識英日德中四個語言， 一路上同我解釋左好多有關德文同荷蘭文既相似性， 而又點解今時今日既英文咁多特殊情況既發音同造字，令旅途生色不少。 消費比起平時生活既日本非常昂貴， Cafe一杯Latte要4歐，兩個人食個奄列多士加杯野飲， 一個早餐可以上到15歐 ＝ 2500羊， 係日本奢侈極去椿屋咖啡食早餐都係1500羊。 有朋友係阿姆斯特丹住，其中一晚約左佢出黎食飯， 了解左好多荷蘭本地人先知既野，其中一個係「荷蘭真係無咩家鄉菜」。 出名既有炸肉丸(Bitterballen)，醃魚(Soused herring)， 就真係得芝士同Pancake。 個飲食文化受周邊國家影響，阿姆斯特丹市內亦有好多其他國家既菜系， 印尼菜，印度菜同亞洲餐廳都多（朋友話有間韓國餐廳係香港人開）。 阿姆斯特丹市內有地鐵同路面電車， local人係踩單車為主，大部份路面都有單車徑，用紅色做標示。 有時佢地都踩得幾快過馬路記得望左右先行。 城際交通非常方便， 主要大城市海牙，鹿特丹，烏德勒支Utrecht，燕豪芬有Intercity（特...