201610 西貢越戰歷史之旅: Day 3 Mekong River One Day Tour

第三日參加左個Local Tour，300,000 VND包哂車船同午餐，
一早佢會係酒店接你，再集埋一堆人就出發。

我以後都唔夠膽係越南飲有冰既野。

好鬼搞野，導遊san一出車就係到話咩我地會行國道，
而國道而家返工時間就好塞車，有個快D既就係可以行freeway，
但係我地無包到freeway，如果要行就要大家夾錢etcetcetc
講左成十分鐘，我仲以為要一人夾十萬八萬，
頂佢原來一人先夾5,000VND，真係講黎都多餘，話咁快就夾夠錢俾佢。

天氣唔多好，希望唔好落大雨啦。

落左freeway係個休息站停十五分鐘，
順手食個早餐，又唔算好劏客，我個法包先25,000VND，算係正常價。

去到轉船，第一站會帶左我地去河上面三角洲既養蜂場，
仲有得試食蜂蜜，咁當然佢亦會sale你買野。

搭船搭船~~ 榛名驚唔驚淡水?

D水...係黃色既，因為上游沖左好多沙落黎

導遊san沿路介紹下呢個三角洲搞咩果個三角洲搞咩咁。

養蜂場到著，又真係幾香蜜糖味。

導遊san，前面兩位團友係馬來亞華僑，
識講馬來文廣東話英文同越南文，仲話去馬來西亞玩一定要去搵佢食飯。

岩先導遊san拎住既蜂板，D蜜蜂會爬上你隻手，痕痕地咁。

又幾過癮，如果唔係佢個蜂蜜樽太流我真係會買一支，
佢個死人膠樽我驚未返到去就已經漏哂。

除左蜜蜂，仲可以試下拎條蟒蛇上身。
offtopic 導遊san都幾多材多藝

仲有食完仲有水果食，果幾隻水果個口感都幾奇妙，
導遊san口音好重聽唔明佢介紹呢幾隻係咩水果。

仲有越南姐姐唱歌~~~

然後到左成個旅程我覺得最過癮果part，
搭真。洗頭艇，坐架艇仔係個樹林中間穿梭，
一前一後兩個人划艇，仲有頂越南草帽俾你戴。

between 我果陣係峴港美山勝地買左頂返屋企，而家都仲係到。
之後係雪糕店食雪糕果陣仲送左一頂俾榛榛。

"提督，榛名入黎呢到會擱淺呢"

條河好窄，仲要雙向行船。

之後去左參觀椰子糖工廠，
唔知點解俾我感覺好有金三角果D海洛英工場既感覺。

之後坐馬車去餐廳食晏... 隻馬仲瘦過我.... 陰公....

辛苦哂

呢個係標準配給既午餐，加餸請自費....
同岩先馬來亞華僑同一檯，唔算太劏客，加左四個餸大約百二三蚊港紙，
我話夾返錢佢話識到新朋友等佢請，真係好鬼Nice。

好莫明奇妙係個餐廳側邊有個鱷魚池.....

回程唔會送到返酒店門口，
一係Ben Thanh Market一係范五老街解散，
落車整返個雪糕嘆下先，我好鍾意呢間雪糕店，
唔算十分平但好鬼多騎呢味道，例如我好鍾意既開心果味 :P
我習慣食完兩球先再嗌多兩球，咁D味就唔會撈亂哂。

行過食返個Pho，返左酒店又游下水hea下。

九點零鐘又過左對面食Pho，都係呢檔最岩我口味 :P :P :P