201612 菲律賓Puerto Galera外潛之旅: 行程記錄

話說十一月因為工作上有D事離開左上一間公司，
咁岩有朋友推介去菲律賓潛水，我又一直想考埋個Advanced Open Water，
潛到落30m就多D野玩既，於是就book機票，聯絡埋潛店就出發。

出發前買既新玩具裝備，TG-4，電腦錶，另外仲買左對手套同鞋。

搭Cebu Pacific八點半機出發，好屎忽痕地前一晚去左Arrival Lounge到訓，
凍冰冰唔想四點起身逼巴士。

Check in 左照舊去Gate 40 Lounge食個早餐。

廉航標準機A320

外國人入境菲律賓要填表，出境唔洗，菲律賓人調返轉，出境要入境唔洗。

第一次去菲律賓，由天空望落去都幾靚，尤其個海岸線。

係機場換左200 USD做Peso， 潛店果邊住宿同學費可以mark數用美金找，
咁就唔換咁多住先，朋友教路出機場搵metered taxi去Buendia Bus Terminal，
轉大巴去BATANGAS坐船去SABANG，
個的士站好多人，等左差唔多四個字先上到車，
一貫東南亞國家既基建水平，個地爛既天頂又漏水，
點知原來機場條路已經算好.....
同有好多白牌車拉客，500 peso出去，我搭的士連埋highway錢都唔洗150 peso

但個司機又出奇地老實，行Highway 十五分鐘就到，
英文幾流利途中咩都講下咁，馬尼拉成日塞車etc etc
又話個Terminal好大，問我要搭去邊，佢車到我埋站頭。
好NICE，同埋我發覺佢地無咩壓力，成日都笑，由心而發果隻笑。

你知日本果D好多時都係營業式既笑容 仆はキメ顏でそう言った

巴士站等緊開車果陣係kiosk買左D野食，呢隻卷(?)同我上次係曼谷果隻差唔多，
但呢到多D口味可以揀。

架巴士都唔錯，唔係溶溶爛爛果D黎，
我本身好驚坐大巴，免得過都唔會坐，但今次都算唔錯，
佢聲稱有wifi但係我connect唔到，同埋我去程同回程都係播緊同一套戲....

同埋會有D小販拎住D野上車賣，
由花生到Pizza到士多啤梨批(我都唔知原來菲律賓有士多啤梨，一直以為得蕉同菠蘿)，
我支野飲都係咁買返黎，又唔算開天殺價(?) 25 peso圍返4蚊港紙咁上下。

岩先買既卷(?)，賣相比較差但食落OK既。

 等開車果陣開始天黑。

十分鐘後就黑到咁.....

開車之後先有人黎收飛錢，無記錯係18X peso，佢會俾返張車飛俾你，
同上次去泰國果D咁都係爛紙一張。

係馬尼拉市區好塞車，上左highway就好好多，
雨落得快停得快，好快就見返個藍天。

去到碼頭買飛同俾碼頭稅，D船都幾疏，1630尾班船。

因為隔離係貨物既碼頭，都幾多貨船係果邊海面。

架渡輪同呢架艇仔類似，唔好諗住佢有Tubrojet俾你搭，諗多左。

船程大約一個鐘，去到因為我Book果間潛店係另一個沙灘，
差D摸黑咁濟仲要手機無上網，靠出發前睇google map同問人先去到，
下次入黑既話可以搭電單車或者艇仔，200 peso 唔洗煩。

今次係潛店連埋住宿，間房都幾企理，
係個熱水供應麻麻地.....

但個景一流，行出房門第三步就已經係沙灘。

朝早D海浪聲好嘈

成日無食過野咁滯，去左潛店隔離搵野食，呢餐食左350 peso (54 HKD)，
俾我朋友話我奢侈.....

第二朝一起身，嘩個景正到呢。

下午潛完水就係自己房門口攤下休息下。

 果幾日天氣唔算話一路都大太陽，有時會落下雨。

個島有時會停電，但所有人都好似習以為常咁，
食野既繼續食野，吹水既繼續吹水，店員做慣做熟咁點蠟燭。

走果陣都係沿路走，搭船返BATAGAS去馬尼拉轉的士去機場。

等車果陣用僅餘既peso食個杯麵同買左支水。

人悶起上黎咩事都可以發生.....話說等緊車果陣

唔係賓仔圍毆鬼佬，而係武術交流，
原本只係痴下手既，跟住啊賓仔(我坐緊架車個司機)拎左對棍出黎，
點知啊鬼佬(我坐緊架車既其中一個乘客)又拎左對棍出黎同佢對打，成件事好痴線。

痴手.....

 拎架生了....

話說去到機場果陣我身上已經得返數十pseo，
我諗住啊機場用USD俾錢應該得掛(以越南既經驗)，
點知機場都係唔收USD，好在佢收卡，唔洗又兌多張100 USD。

一個set 160 peso (24 HKD) 去邊到搵，仲要係機場，
湯同野飲仲可以任添。

同一個Gate 有三班機，一廣播就三班機既人一齊排，
要地勤逐個逐個check 佢地係邊班機。