未来ガジェット研究所

為左方便管理，我將「あけぼの」既年表，編成表，時刻表等資料整合左係Spreadsheet， 可以用 「あけぼの」資料 呢個連結去搵資料。 歡迎引用，但請註明來源。

今次黎橫川既其中一個目的係參加EF63既運轉室見學， 可以坐到動態保存既EF63上山係一個好難得既體驗。 橫川黎過好多次，最鍾意都係收入機關庫呢兩架EF62同EF63， 希望佢地可以繼續保存落去。 時至今日既新車運轉台上面都會有個放懷錶既位置， 由英國人教日本起鐵路開始咁多年都無變過。 行哂成個園區食埋野仲有少少時間， 係賣店買左本書(入面賣既全部都係鐵道相關書籍)坐左係架車掌車入面涼下山風睇下書， 真係好寫意。 活動開始前15分鐘集合，我企係向輕井沢方向既車頭， 順帶一提當時EF63重連連結運轉既時候，無 論係上行定下行，運轉士都係坐係橫川方向既車頭， 上行時由連結車既運轉士負責瞭望，由EF63既運轉士負責控制。 平時唔開放參觀既EF63停泊線，原本係由橫川開始上輕井沢既路軌， 一開始呢段直到轉彎前既斜度係25‰，轉彎後既斜度係50‰。 負責今日旅程既EF63 12，個head mark仲特登換左一個20年主題head mark。 第一次見到通左電準備好行車既EF63，果種感覺難以言諭。 出発進行！ EF63既速度錶仍然保留左大宮工場既貼紙。 旅程雖然好短，但係好值得。 拍左段片放左上youtube。 EF63運転室乗車体験イベント 2018/09/16  https://youtu.be/WANIAAOsrx0

一早起身坐橫須賀線去東京轉新幹線上高崎， 三連休既第一日東京站個個月台都逼滿人， 早到左上月台睇下車，東北新幹線E5。 都係E7舒服，雖然我最鍾意既新幹線係500系， 個流線形既body真係無得輸。  出發了~~ 求其係月台買左D飯團做早餐，味道一般不過好飽肚。 今日既SL碓氷係D51 498 - 茶色客車 - EF65 501 坐SL+舊式客車最爽一定係打開窗感受下 煤煙 山風。 三連休既關係，安中貨物既トキ都泊哂係安中既側線。 由之前既刷刷卡變左做直接抽卡，但好似無左獎品了。 抽卡，果然還是有抽卡的呢 反了反了，呢類觀光列車好多時都會強調自己所屬既分社， 例如越乃Shu*Kura係廣播會講JR東日本，新潟支社， 岩岩抽卡後面既QR Code係link左返去高崎支社自己既網頁到。

同朋友唔同機出發，我CX548佢CX522所以好夜先到千葉， 過完關買埋張pass就搭monorail出老秋行下街， 飛東京既好處係一程monorail廿零分鐘就出到市區， 呢D先係真。東京機場黎嫁嘛。 岩岩黃金周兼碧藍日版一周年，山手線同成個JR秋葉原加埋成條大街都係碧藍既宣傳。 有睇本子但無玩game 行左陣街睇左陣書行埋鐵道模型舖就想搵個地方飲返杯， 老秋飲日本酒既話個人推薦呢間 - 日本酒原価酒蔵， 係入面有多幾選擇之餘佢將一升瓶分左做細細樽， 你兩個人去已經可以試到四五款， 雖然我自己一個人去比較多， 試完岩飲可以叫姐姐(有哥哥既)俾低果塊牌仔你做記錄， 但秋葉原呢間分店地方比較細，walkin未必有位，book左位先會好D。 好鍾意呢間舖因為入面係禁煙，日本食居酒屋最麻煩都係有人係你隔離煙駁煙， 尤其諗住個目的係試酒 / 食野既話其實係咩味都聞唔到。 即係你平時約人食fine din，條友噴左香水先出黎， 我會調頭返屋企，聞你D香水夠啦仲洗咩聞D酒D菜式係咩味道。 會員卡最近轉左做Apps，亦都整返好左果個1 Mbps都無既wifi， 因為間舖係地牢電話唔係好收到訊號，所以要靠佢個wifi上網， 以前慢到抽筋又斷線又盛，而家好左好多。 佢有基本Menu同當星期推介既Menu， 一般我都會試新野，一來新鮮D二來基本Menu幾時都有得試， 除左酒之外都有好多下酒菜甚至主食， 同朋友黎一定會嗌個もつ鍋 :P :P :P :P :P チーズ豆腐係將芝士同打散左既豆腐撈埋一齊再雪返凍既野食， 有D人會當係topping咁加試麵包到食，我個人既食法同食酒盜(塩辛)一樣白口食。 整多個あさり酒蒸し，又係我黎呢到既定番Menu黎， 佢話係用吟釀而的確個湯係幾香， 但係好撞手神，有時好多沙，好似今次咁好多隻都有沙。 試多一合酒食個炒雞肉岩岩好。 今次都係住淺草橋既Train Hostal 北斗星， 避免同千葉縣民逼一個站總武 地獄 線，我一般都係由老秋行過去淺草橋， check in完去返車站劃埋聽日試高崎既新幹線同SL既飛， 第三次坐 淺草橋既路軌橋下面有好多居酒屋， 酒...

一早起身搭A車入機場，check in完今次去The Bridge Lounge， 今次揀左最舒服果班CX548飛 東京 國際機場， 一直都認為飛NRT既應該寫返千葉機場，唔好混淆人地。 今次飛773-ER ，飛機之中最鍾意747 777 同787 :P :P :P 今次近近地去The Bridge，講起又真係無係The Pier食過早餐。 真係好肉酸，CX既IT點解可以做得咁差。 早餐，除左個粥比較淡之外其餘都收貨，食慣廣東粥比較濃味。 出發前咁岩係山竹吹襲香港前兩日， 係Lounge睇新聞見到美國都有颶風吹緊。 The Bridge 除左Plaza Lounge仲有AE既Lounge。 岩先係Lounge食食下野果陣聽到廣播話有班飛SIN既機Delay， 原因係機艙溫度過高，泊左係隔離gate就順手過去睇下係咩機黎， 「哦A359，咁難怪會係咁」 A359的Econ PEY Business 都坐過， 除左個Moon比其他機大之外我真係搵唔到有咩其他優點。 777-ER既Business flat bed感覺比A330 / A359既窄少少， 但仍然係訓得好舒服既。 777既大風筒，民航機之中最大推力既GE90， 本身既直徑已經比737既機身仲要大，推力亦都係747引擎既2倍。 直飛HND  今次個餐唔錯，頭盤係牛角飽(自選)同水果。 雖然個菠蘿好酸 個主食比較失色，但都係可以接受既範圍。 刷個牙放平訓陣，feel 到個頭憾左幾次落個屏風位。 藍天白雲，但點知去到東京落雨。 訓醒臨降落篤下個inflight entertainment，竟然有Appleseed同秒速5厘米， 返黎果陣睇左Appleseed。