201712 22日日本跨年之旅: Day 20 2018年 第一次大回乘車
係鐵膠群入面，成日有遊記係講"用140円既車飛，最長可以搭到咩路程?"， 其實係應用左JR車費計算既其中一個特例， 1. 係大都市近郊區間入面，無論你係用乘車劵定回數劵， 無論你乘車時經過任何線區，都係以最短乘車距離黎計算車費。 *大都市近郊區間包括東京，大阪，福岡，新潟同仙台 2. 全程唔可以重覆路線，唔可以中途落車。 換句話講即係話只要唔重覆車站係可以任你plan路線黎搭。 參考: https://www.jreast.co.jp/kippu/1103.html 由西日暮里去秋葉原，最短距離係4.3km，經山手線外回或者京浜東北線，盛惠154円車費(IC卡)， 而今次係經山手線內回，京浜東北線，橫浜線，八高線，高崎線，山手線外回， 總共搭左9班車，279.2km距離，盛惠140円。 山手線內回(910G, 1012G)，西日暮里 (09:37) -> 品川 (10:15) 搭到舊車E231，車入面都幾多人，山手線無咩特別所以無影相。 京浜東北線(905B)，品川 (09:37) -> 東神奈川 (10:44) 搭到E233，車入面都幾多人，京浜東北線無咩特別所以無影相。 橫浜線(905B)，東神奈川 (10:48) -> 八王子 (11:34) 搭到E233，車入面都幾多人，京浜東北線無咩特別所以無影相。 最近先留意到，原來好多站月台頂既柱都係用舊路軌黎做。 八高線/川越線(1169E)，八王子 (11:48) -> 高麗川 (12:24) 一直都好想坐下八高線，你打開交通新聞社出既時刻表既話， 東京周圍唯一係得八高線用天藍色，意指地方交通線。 八高線入面既高麗川至倉賀野(北藤岡)段仍然係未電化， 係琦玉縣入面唯一未電化路段。 八高線雖然叫八(八王子)高(高崎)，但佢係無車由八王子直接揸到高崎， 佢既實際終點亦唔係高崎，而係高崎向南一個站既倉賀野。 由八王子出發，大部份既車都係係高麗川直通川越線，以川越為終點， 所以要係高麗川轉車先去到倉賀野。 係站入面既留置線見到HD300-5，從屬新鶴見機關區， HD300係JR貨物既混合動力機關車，HD300既H ...