未来ガジェット研究所

同朋友唔同機出發，我CX548佢CX522所以好夜先到千葉， 過完關買埋張pass就搭monorail出老秋行下街， 飛東京既好處係一程monorail廿零分鐘就出到市區， 呢D先係真。東京機場黎嫁嘛。 岩岩黃金周兼碧藍日版一周年，山手線同成個JR秋葉原加埋成條大街都係碧藍既宣傳。 有睇本子但無玩game 行左陣街睇左陣書行埋鐵道模型舖就想搵個地方飲返杯， 老秋飲日本酒既話個人推薦呢間 - 日本酒原価酒蔵， 係入面有多幾選擇之餘佢將一升瓶分左做細細樽， 你兩個人去已經可以試到四五款， 雖然我自己一個人去比較多， 試完岩飲可以叫姐姐(有哥哥既)俾低果塊牌仔你做記錄， 但秋葉原呢間分店地方比較細，walkin未必有位，book左位先會好D。 好鍾意呢間舖因為入面係禁煙，日本食居酒屋最麻煩都係有人係你隔離煙駁煙， 尤其諗住個目的係試酒 / 食野既話其實係咩味都聞唔到。 即係你平時約人食fine din，條友噴左香水先出黎， 我會調頭返屋企，聞你D香水夠啦仲洗咩聞D酒D菜式係咩味道。 會員卡最近轉左做Apps，亦都整返好左果個1 Mbps都無既wifi， 因為間舖係地牢電話唔係好收到訊號，所以要靠佢個wifi上網， 以前慢到抽筋又斷線又盛，而家好左好多。 佢有基本Menu同當星期推介既Menu， 一般我都會試新野，一來新鮮D二來基本Menu幾時都有得試， 除左酒之外都有好多下酒菜甚至主食， 同朋友黎一定會嗌個もつ鍋 :P :P :P :P :P チーズ豆腐係將芝士同打散左既豆腐撈埋一齊再雪返凍既野食， 有D人會當係topping咁加試麵包到食，我個人既食法同食酒盜(塩辛)一樣白口食。 整多個あさり酒蒸し，又係我黎呢到既定番Menu黎， 佢話係用吟釀而的確個湯係幾香， 但係好撞手神，有時好多沙，好似今次咁好多隻都有沙。 試多一合酒食個炒雞肉岩岩好。 今次都係住淺草橋既Train Hostal 北斗星， 避免同千葉縣民逼一個站總武 地獄 線，我一般都係由老秋行過去淺草橋， check in完去返車站劃埋聽日試高崎既新幹線同SL既飛， 第三次坐 淺草橋既路軌橋下面有好多居酒屋， 酒...

一早起身搭A車入機場，check in完今次去The Bridge Lounge， 今次揀左最舒服果班CX548飛 東京 國際機場， 一直都認為飛NRT既應該寫返千葉機場，唔好混淆人地。 今次飛773-ER ，飛機之中最鍾意747 777 同787 :P :P :P 今次近近地去The Bridge，講起又真係無係The Pier食過早餐。 真係好肉酸，CX既IT點解可以做得咁差。 早餐，除左個粥比較淡之外其餘都收貨，食慣廣東粥比較濃味。 出發前咁岩係山竹吹襲香港前兩日， 係Lounge睇新聞見到美國都有颶風吹緊。 The Bridge 除左Plaza Lounge仲有AE既Lounge。 岩先係Lounge食食下野果陣聽到廣播話有班飛SIN既機Delay， 原因係機艙溫度過高，泊左係隔離gate就順手過去睇下係咩機黎， 「哦A359，咁難怪會係咁」 A359的Econ PEY Business 都坐過， 除左個Moon比其他機大之外我真係搵唔到有咩其他優點。 777-ER既Business flat bed感覺比A330 / A359既窄少少， 但仍然係訓得好舒服既。 777既大風筒，民航機之中最大推力既GE90， 本身既直徑已經比737既機身仲要大，推力亦都係747引擎既2倍。 直飛HND  今次個餐唔錯，頭盤係牛角飽(自選)同水果。 雖然個菠蘿好酸 個主食比較失色，但都係可以接受既範圍。 刷個牙放平訓陣，feel 到個頭憾左幾次落個屏風位。 藍天白雲，但點知去到東京落雨。 訓醒臨降落篤下個inflight entertainment，竟然有Appleseed同秒速5厘米， 返黎果陣睇左Appleseed。

古有李我叔搭飛機去白港飲茶， 今有黑田搭飛機上廣州飲茶， 搭KA786去廣州食個飯再搭返KA781返香港返工。 係workshop做左陣野就搭巴士入機場check in， 去過哂CX係HKG咁多個Lounge我最鍾意始終都係The Pier， 有酒吧有麵食有涼沖有甜品(未得閒試，飲酒同甜品只能二擇其一，我九成八會揀飲酒)， 環境開揚，又可以望到停機坪睇下飛機。 未肚餓，拎支啤酒係梳化睇下email， 出面有架好肉酸既A380。 攤係到做下野係唔錯。 肚餓去麵吧整個擔擔麵，平時食開雲吞麵但係早兩日食晏先食過雲吞麵所以轉下口味， 好少食擔擔麵，除左去上海舖，但我到而家都係分唔到究竟擔擔麵係四川菜定上海菜， 生煎包亦唔錯，唔係硬骨骨，至於其他熟食就一般咁啦... 食完飯去沖個涼順手刷牙，Lounge沖涼房有齊毛巾同牙刷牙膏， 個人行入去就沖得。 上機因為好眼訓既關係無咩影機，都係咁樣既KA A320，無咩特別。 落左機搭地鐵去人和，即係傳說中「廣州市人和母豬配種繁殖基地」果個「人和」， 好近機場，搭兩三個站地鐵就到，或者搭十分鐘車，好方便早機要去機場。 早機返香港，一早起身搭酒店架接駁巴士去機場， 會先兜T2再去返T1，車程大約十五分鐘。 Check in會一次過出哂CAN Premium Lounge同HKG Arrival Lounge既Invitation， CAN Premium Lounge係小數係中國我覺得ok既Lounge， 對比起青島果個返左九十年代深圳既Lounge， CAN Premium Lounge甚至好過HKG Plaza Premium或至少同級。 食物選擇幾多，有中式有西式，點心都有幾個唔同選擇， 咖啡亦幾香，除左個魚蛋粉好難食，魚蛋粉真係Plaza Premium完勝。 Lounge都幾多日本人，查返原來同一時間有班ANA飛返東京。 好似第一次日間係廣州搭飛機， 反而夜晚好似仲多人過日頭。 KA A321 J class，個位同KA A330 J Class / CX Regional J Class一樣。 四十分鐘既...