201709 日本群馬鐵道之旅: 番外篇 信越本線碓冰峠歷史 補充資料 明治35年4月時刻表

上個星期又去左碓冰峠鐵道文化村，
係賣店竟然俾我搵到一本明治35年4月既時刻表(重印)。

入面記載左當時信越本線既時刻表，
值得留意既係橫川至輕井沢之間既時刻表已經有記載埋熊ノ平既發車時間，
而根據資料熊ノ平係1906年10月先由信號場昇格至車站，
推測因為熊ノ平既停車時間長而需要記載埋發車時間。

班次方面，
下行由高崎至直江津既直通列車有三班，另有兩班由高崎至長野，
上行由直江津至高崎既直通列車亦有三班，另由長野及輕井沢各一班，
總共十班車會經過熊ノ平信號場。

上行由橫川發車，經熊ノ平信號場到達輕井沢需時75分鐘，
下行由輕井沢發車，經熊ノ平信號場到達橫川亦同樣需要75分鐘。

順帶一提當時既時刻表排列同現時既時刻表相反，
x軸代表車站同時間，y軸代表班次。

我將時刻表轉換左做現化既格式，方便日後參考。