201601 東京新年參拜 Day 2: 國立科學博物館 ワイン展

第二朝一早起身諗住去行下上野公園，
點知行去食早餐既途中見到上野公園入面既國立科學博物館做緊特別展，
講紅酒既發展，我本身好少飲葡萄類既酒，
我認我係本住去Whiskey Live 既心態去睇，
諗住係有D試飲之類，點知比我想像中悶。

酒店對面係百貨公司，一早就排滿人買福袋。

食個早餐先，食係幾好食但係牛油太多好鬼油膩。

就係俾呢張引左我過去。

十點先開場，係公園周圍行下，
發現有個像好熟口面，野口英世咪就係一千円上面既人樣。
而一萬円係福澤諭吉，五千円係樋口一葉，二千円係首里城，
但係我去咁多次都未見過二千円紙幣。

又真係幾似樣。

估唔到呢邊都有火車可以睇，D51 231 係1938年長野工場制造，
曾經係東海道本線同山陰本線執勤，最後係北海道既追分機關區休車，
231當時已經行左二百一十六萬公里，即係圍繞地球行左54轉有多。

蒸氣機真係好型棍子，我等緊梅小路重開可以去睇SL同新車。

入場劵都唔算平，好似成千円。

美國橡木桶波本桶四分一桶葡萄酒桶。

入面都係介紹下葡萄酒點發現，生產過程係點，
日本既葡萄酒產地有邊D (長野同北海道最多)，
不過如果去工場見學可能會開心D。

唔知葡萄酒桶會唔會好似威士忌咁有分咁多隻唔同大細。

之後既部分係講古時既酒具，果一部分唔影得相同埋都幾悶所以就唔介紹了。
行出館外有好大條鯨魚:P 潛水母艦大鯨