201601 東京新年參拜 Day 2: 靖國神社遊就館

1月 10, 2016

行完博物館之後搭車去靖國神社，

其實我目標係去遊就館睇零式艦戰同彗星，

不過一場去到就不如順手為今年既武運同一眾艦娘祈福。

原本計劃係去榛名山既榛名神社，但巴士係新年既班次好疏，

渣車又玩得一日所以擱置左。

~~邊到有田中神社話時話?~~

靖國神社既鳥居同一般既神社唔同，呢個鳥居係用金屬造既，

可能係因為靖國神社係供奉軍人既英靈所以想個形象強硬D。

過左鳥居之後就係神社既範圍，嚴格黎講係參道上係唔應該行中間，

因為中間係神明既路，黎參拜既應該行路既兩邊。

我大約十一點去到，參道都唔算好多人，
參道兩邊擺滿攤檔，好似夏祭果陣咁。

其實個參道都幾長，行成十分鐘先到本殿。

靖國神社本殿，即係成日係新聞見到話日本首相參拜果個位置。
嚴格黎講，靖國神社係供奉戰士既英靈，
而D中國人成日話日本人參拜靖國神社係拜緊甲級戰犯，例如東條英機，
只係因為佢地係廣義上都係日本戰士既英靈，並唔係真係有個靈位係到。

日本行新曆年，所以係佢地既角度已經係猴年。~~24歲了~~

OFFTOPIC

因為係猴年既關係有猴子裝飾既野都大賣，
話說有一款威士忌叫Monkey Shoulder，
因為佢個圖案係三隻馬嬲(唔係日光東照宮果三隻)，
食住呢支水係日本大賣。

神社一定唔少得巫女同賣御守既攤位，新年果陣除左形形式式既御守，
仲有破魔箭賣，我明個名係好中二病同好似打機既課金Item但係我查左真係咁叫。

靖國神社特別D既仲有日本國旗，賀酒同酒合(用黎飲日本酒既木盒)。

提督果然係要黎靖國神社。

之後就去左神社隔離既遊就館，你當佢係日本近代戰爭史博物館咁睇就得。
佢未必係個個戰役都寫到好詳盡，我剩係熟海軍既戰役，陸軍既好多都飛黎睇，
當然日本大勝既戰役會大講特講，例如

日露戰爭既對馬海峽海戰，東鄉平八郎大獲全勝，
第一次有黃種人戰勝白種人，
有興趣呢段我建議去橫須賀三笠紀念艦，果邊係專題講呢個題目，
仲可以企係三笠個瞭望台擺返同東鄉長官一樣既Pose，去感受下東鄉長官都企過既地方。

二戰既空襲真珠港，南雲機動隊，嚴格黎講係空母機動部隊第一次係戰爭入面大放異彩，
有空襲成功之後打返本土既電報文本。

二戰既あ號作戦，唔係艦娘果個，而係空襲真珠港海軍同陸軍分幾方面登陸，
果陣既日軍可以話開左無雙，
陸軍打到落巴布亞紐幾內亞，海軍趕左英國皇家海軍出印度洋，
參考維基百科，
攻取菲律賓—「M作戰」
攻取馬來半島—「E作戰」，包括當時既新加坡
攻取荷屬東印度—「H作戰」
攻取關島—「G作戰」
攻取英屬婆羅洲—「B作戰」
攻取香港—「C作戰」
攻取俾斯麥群島—「R作戰」
海軍的空襲珍珠港—「Z作戰」
最值得睇既展品係香港投降同新加坡投降既頭版剪報實物，

二戰中被譽為奇跡作戰既基斯卡島撤退作戰，
木村昌福提督帶領一水戰幫助陸軍既士兵撤退，一艘艦都無損傷。

仲有好多值得睇既，例如所羅門海海戰，不過慘敗既都有講，
例如中途島南雲機動隊全滅，我原本以為佢會剩係講贏唔講輸。

仲有一個部分係講特攻作戰，各種特攻既武器都記錄得好詳細，
載人魚雷回天，特攻機櫻花，神風艇震洋。

我最鍾意都係呢架零戰五二型，可惜館入面既彗星唔俾影相。