未来ガジェット研究所

鳴啊終於黎到山崎。 係門口登記左拎張卡先。 相對白州，山崎呢邊比較多舊酒。 留意下果陣既日文係由右寫向左，同埋係打直排。 サントリーホワイト，日本第一款國產既威士忌。 醒めよ人!  舶来盲信の時代は去れり  酔わずや人  吾に國産至 高の美酒  サントリーウヰスキー はあり! 而家好似出返呢款既復刻版。 角瓶:P 黑角同角瓶我都好鍾意，以整highball黎講。 Torys 係Suntory另一個Series 既威士忌，係1946年戰後開始發售， 到而家都仲有出罐裝Highball，不過Torys麻麻地岩口味，始終鍾意角瓶。 Torys 既象徵係一個大叔。 1946年第一代既Torys。 舊裝Suntory Red Label。 見返D熟口熟面既。 [發夢]如果我屋企有個地窖可以擺原酒就真係不得了。[/發夢] 1989年既山崎雪莉桶原酒，係新加坡Whisky Live試過1993年既山崎雪莉桶， 果陣係LMDW賣緊SGD4,768.00，折返港紙大約二萬七千幾港紙.... 喂有D係Macallan同Laphroaig黎既.... btw Laphroaig 10同18都好高質，可以一試。 繼續係Macallan Collection。 Bowmore 身為艾西島上歷史最悠久既酒廠， 由創辦人John. P. Simpson一路經歷唔同既經營者， 直到1994年俾現任經營者Suntory 收購。 其實Bowmore都係日威，以經營者國籍黎講。 Suntory 旗下唔同既蒸溜所。 想試下山崎25但好得貴半Shot，2,900 JPY/15mL， 二來個酒吧無得碌卡，個身一向都無咩現金。 黎到又點可以唔試下工廠限定既D原酒。 [發夢]屋企有個酒吧位既話一定買張返去。[/發夢] 試哂響17既構成原酒。

一早起身就去大阪站食個早餐先。 關西地區來回大城市，最好就係搭新快速， 由大阪出發半個鐘就到京都，只停新大阪，高槻同京都， 時間尚早就飛車過京都影下車，朝早有幾班特急可以影下車。 一早就有人霸哂D靚位。 223系電車，東海道本線(關西範圍)既新快速，快速同普通車都會見到佢。 キハ85系ひだ25号，由大阪經岐阜一路行到去高山，需要4個鐘零12分鐘。 Ｌ特急（ワイドビュー）ひだ25号 以用JR Pass做例子，JR東海唔俾用Pass坐のぞみ， 如果同樣由大阪出發，搭新幹線係名古屋轉高山本線既ひだ， 新大阪(0816発)->[新幹線]ひかり512号->名古屋(0925着，0939発) ->[特急]ひだ5号->高山(1214着) 竟然差唔多。 キハ85有兩款車頭，呢邊係可以加長既貫通型車頭。 另一邊係細D風阻既非貫通型車頭，車頭咁大塊玻璃運轉士個VIEW應該好正， キハ85除左跑高山本線仲有跑紀勢本線既特急，因為成日撞到動物， 所以係非貫通型車頭加左個bumper。 キハ85の衝撃緩和装置 HOT7000系氣動車特急スーパーはくと3号，由京都經姬路一路行到去鳥取縣既倉吉。  117系，第一代新快速，已經有一抽入左名古屋鐵道博物館。 287系くろしお3号，由京都經大阪和歌山，一路行到去和歌山縣既新宮。 281系はるか2号，2号係關西空港開出，經天王寺，新大阪到京都， はるか係我愛車，幾年前第一次自己黎日本，第一次坐既特急就係佢。 影完車補充左D鐵粉就搭車去補充D威士忌，搭普通車去山崎， 呢條線坐同玩電車Go玩過無數次，但都唔夠我朋友黎， 佢可以背返哂由京都去大阪每個車站既站名出黎。 過桂川，呢個位一定要響wwwww 向山崎蒸餾所進發。