201606 白州蒸餾所見學x關東近郊鐵道遊: Day 2 碓冰峠鐵道文化村 Part 1

第二朝一早起身落樓下食個早餐先，

第一次係東橫既早餐食咖喱。

E231系高崎線Green Car。

JR有高崎同北高崎，上信電鐵有南高崎。

坐DL碓氷的機會不是我的。

等車果陣最好梗係影下車，115系湘南色。

一陣坐呢架去橫川，107系，呢次係我第二次去橫川，
第一次係幾年前放左個長假係日本睇紅葉，果陣係大宮去完鐵道博物館再上高崎，
去左橫川追SL，然後搭両毛線去左岩舟同小山睇秒速五厘米既舞台。

201411 日本中部，東京近郊之旅: Day 8: 橫川，SLぐんまちゃん -> 高崎，SLぐんまちゃん
201411 日本中部，東京近郊之旅: Day 8: 岩舟，秒速五厘米舞台探訪 -> 小山，秒速五厘米舞台探訪

東邦亞鉛係一間金屬煉造既公司，有個好大既工場係安中市，
附近仲有信越化學既工場，即係造IC晶圓果間公司。

日本以前有個名叫瑞穗之國(出自日本書紀)，瑞穗即係指成熟既稻穗，即係下圖咁。
某水上機母艦表示原來唔係我?

橫川到著，以前新幹線未開果陣，因為係橫川至輕井澤既信越本線斜度太大(66.7‰)，
所有去輕井澤既車都要停係橫川加掛補助用機頭，
一陣去碓冰峠鐵道文化村有好大部份係講呢段歷史。

除左可以坐新幹線，亦可以係橫川坐JR巴士去輕井澤。

而家橫川至輕井澤段既信越本線已經廢置左。

碓冰峠鐵道文化村佔地都幾大。

GA-100 新幹線軌道確認車，用黎係新幹線發車之前檢查路軌有無異常。

橫川其中一樣好正既地方係佢可以俾你入去駕駛室入面睇野。

如果報名上堂可以去揸EF63，不過我電車Go都未玩得掂而且要識日文掛(?)

睇完呢張圖你就明點解要加機頭先可以上去輕井澤，

アプト式鉄道係指係兩條軌中間裝多一條第三軌，機頭入面加個齒輪做輔助動力去爬山。

國鐵189系，特別為左橫川至輕井澤一段去改裝，

加入左同EF63連結運轉用既訊號同控制裝置，

個塗裝仲保留緊係國鐵色。

坐緊車去輕井澤~~

入去以前既整備區睇下，雖然係讀工程但係有好多設備都唔知用黎做咩。

呢個係超速檢測裝置(OSR)檢查用設備，

EF 63有個特點係佢既中間車軸有一個獨立速度檢測輪，

可以量度到而家既實際運行速度，

如果速度過左限制就會啟動警報同制動裝置，

係後繼既ED78，EF71都有沿用呢套系統。

(載客為38 km/h，載貨為25 km/h)

以前未廢線果陣既時刻表，黑底白油既時刻表真係好型棍子。

1956年果陣，國鐵為左增加信越本線既運輸能力同廢除日漸老舊既齒式設備，
提出左兩個方案，

1. 將現有既線路複線化
2. 重新起一條低斜度既線路

咁畢竟人地唔係香港政府，唔會洗成千億去起條鐵路，
最終既方案係將信越本線複線化，再開發新既機關車去應付高斜度既路段。

EF 62同EF 63係國鐵年代為左增加信越本線橫川至輕井澤既運轉能力而設計既機關車，
EF 62係負責本線既機關車，EF 63係負責橫川至輕井澤既補助用機關車。

EF 62後來係東海道本線同山陽本線都有負責過牽引任務，
但EF 62始終唔係設計黎跑長距離既運轉，
轉換左任務之後經常都有故障，最後逐漸廢車。

EF 63

EF63既控制台，揸機關車真係男人既浪漫。

日本既工場執得好整齊，仲乾淨過我屋企。

ED 42 1，最後一款係信越本線用既齒輪式機關車(アプト式)。

就係靠呢個齒輪提供額外既能量去爬坡。

 

舊既車頭路線牌同訊號。

由蒸氣機車去到機關車加電聯車連結運轉。

好鬼鍾意呢種轉轉轉轉既站牌，去親SIN都要行去睇下佢Update。