201606 白州蒸餾所見學x關東近郊鐵道遊: Day 1 白州蒸餾所見學

東京早晨。

成件事係咁既，因為我打算去小淵沢既關係，研究過JR Tokyo Wide Pass岩洗，
但係呢，原來JR東日本賣Pass既地方唔同JR西日本，
平時習慣左係JR西日本，綠色窗口 = 賣Pass既地方，
但一早起身問左綠色窗口，佢話要去返旅行服務中心先買到，
而個旅行服務中心係0800先開門....

行去吉野家食個早餐先，550JPY算係唔錯，
平時食吉野家大牛都係溫泉蛋，直接食生蛋拌飯都係第一次，
呢個set如果無納豆係450JPY，反正去左日本咁多次都未試過納豆就嗌份黎試下。

我原本以為有D奇怪味，又唔係啊我覺得食落有D似咖啡豆。

新宿站出面有個公園仔，係公園hea下都好舒服。

WTF 0830果班あずさ指定席滿左，即係一陣換左Pass要落去排自由席。

嗚啊183系，國鐵車真係J死人。

 我搭E257，似普通通勤車，張椅好硬。

Leg Room 算唔錯，但整體都係麻麻地好坐。

我見過呢個廣告幾次但一直都未有機會坐JAL去日本，
唔知佢係好味到點既樣可以獨立拎出黎賣。

中央本線個風景真係好正，沿路都係農田，
小海線同上信電鐵個景仲正，沿路係準備收割既稻田。

話咁快就到，火車坐幾耐都無問題，巴士坐長途就真係咪搞我。

小淵沢個站唔係好大，落車既大部份人都係轉小海線，
其餘好多都係去白州，因為間廠係個森林入面，
定時有接駁巴士來回JR小淵沢同白州蒸餾所。

車程唔算好耐，十五分鐘就到。

一個鐘一班算係唔錯，而且免費。

成間廠係個森林入面，其實個佔地都幾大。

空氣好清新，成個肺既塵清哂出黎。

同山崎果邊一樣有個威士忌博物館講下佢D威水史。

真係好鬼貼心有D唔洗錢既Locker可以放低個袋。

呢D係真古董wwwwwwwww

入面既角瓶會醇到咩樣。

威士忌分類為蒸餾酒正正係因為蒸餾呢個過程，
經過呢個過程中個生產到透明既原酒，用既器材就係呢個蒸餾器。

有D展品講下威士忌發展史，D展品同資料比山崎果邊多。

復刻版既英國酒吧。

博物館個頂係個觀景台，你而家明點解我話間廠係俾個森林包圍住。

 黎到蒸餾所就梗係試下D蒸餾所限定既原酒，
上次係山崎試左響既原酒，今次試下白州既原酒，
左邊係白橡木桶(White Oak Cask)，
中間既係雪莉桶(Sherry Cask)，
右邊既煙燻(Smoky)。

酒吧個環境唔錯。

竟然有專人開班教整Highball，作為一個Highball愛好者就梗係要Join。

完成直接飛到完成品。

乾杯時間wwwwwwwww