未来ガジェット研究所

買左火車飛去托倫， 托倫（Toruń）係波蘭既一個古老城市，位於國家嘅北部， 處於維斯瓦河（Vistula River）河畔， 即係早幾日飲啤酒果條河一直揸船向北既話係會去到。 托倫係個歷史悠久既地方， 佢嘅舊城區已經被聯合國教科文組織列為世界文化遺產， 但好多都係戰爭果陣被摧毀，靠照片同圖則重建返去原本樣貌。 呢度最出名嘅要數到天文學家哥白尼， 哥白尼提出咗「日心說」，地球同其他行星都係圍住太陽轉唔係圍住地球， 佢既故鄉就係托倫。 托倫同條頓騎士團有相當深厚嘅歷史淵源。 條頓騎士團係一個中世紀既軍事修道會，係1190年左右成立， 最初係為咗保護去聖地嘅朝聖者。 就係AOC果個行得好慢但好高攻好高防果個條頓武士。 13世紀初，條頓騎士團到左波蘭同周邊地區， 目標係要擴展基督教勢力同埋建立自己嘅領地。 1230年左右，條頓騎士團係維斯瓦河畔建立左托倫城， 呢個城市其實係佢地擴展勢力嘅其中一部分。 托倫喺條頓騎士團統治時期成為咗一個重要嘅貿易同文化中樞。 條頓騎士團喺度修建咗城堡同防禦工事，以保護佢哋嘅領地同居民。 係華沙中央出發，食個早餐先。 城際列車既華沙中央車站都係無閘機，行左上車先查飛， 同成個中央車站都有好多保安，休息區有人訓低係即刻有人埋去「關心」佢， 個站係幾乾淨同無遊民果d攤係到，樓上直頭有間supermarket仲幾好行。 車站d information display 好多好足，大部份都有英文對照， 08:21 IC28100就係我一陣坐果班車。 右邊數過黎第二行係列車既種類，KM係市內IC係城際， 而IC再有分EIP / EIC / IC，三種都係特急同全車指定席， EIP / EIC既停站少d，架車新d同快d，有d車有埋免費野飲， IC就停站多d同車舊d，EIP / EIC可以比IC貴一倍價錢。 我買左IC既Class 2試下，PLN61 = HKD120跑235km都幾抵坐， 08:21係華沙出發，10:46到托倫。 波蘭既城際火車好多都會有個「愛稱」， 同早期日本火車一樣係每一班車都唔同名，IC28100既名係Staszic。 08：31既長途車係跨國由德國柏林揸過黎既寢台， 好在只係去華沙唔係去克拉科夫 。 波蘭國鐵技藝，用貨物公司既機拖旅客列車。 d車太多唔同組合同長度，所以唔會好似日本咁係地下寫呢到係幾多號車， 要去搵呢個編成既指示牌睇...

朝早起身去食個早餐，係博物館附近搵左間cafe， 睇名以為只係撞名，點知間cafe真係shell開既， 無錯，係油公司果間shell，但d野真係唔好食同幾貴下。 我已經係一早10點到等佢開門咁滯但個館都幾多人， 好多中學生黎睇tour所以有d難慢慢睇每個展品， 館內收藏左好多當時既海報同通告，從中可以獲取好多資訊。 開始之前先要講下波蘭係二戰時期既年表 先前提過，1939年9月1日納粹德國入侵波蘭，是為二戰爆發， 而同一個月1939年9月17日蘇聯入侵波蘭，正式出兵瓜分波蘭， 同年10月6日波蘭軍隊被擊潰，地圖上再再再再次「毫無波蘭」。 1939年10月5日元首係佔領波蘭之後去華沙睇閱兵， 波蘭起義軍計劃去暗殺元首，埋左500kgs炸藥落去閱兵路線上既地底， 但最終元首無穿無爛出返黎，取消暗殺行動既原因未明。 原本波蘭既土地同居民由納粹德國同蘇聯分治， 分別進行「德國化」同「俄羅斯化」， 直到1941年6月22日德軍東線揮軍蘇聯為止， 波蘭全境係1941年7月9日完全由德軍佔領。 納粹德國佔領波蘭期間興建左大量集中營， 以高效率方式屠殺猶太人同異見人士（波蘭知識分子、共產主義者、羅姆人和同性戀者）， 二戰前大部份歐洲既猶太人都係聚居係荷蘭同波蘭， 係歐洲國家中少數對猶太人友善既國家。 高壓政策令人民反抗，其中華沙就發生過兩次起義。 華沙猶太區起義： 1943年4月19日，華沙猶太貧民區的居民對納粹德國佔領當局武裝起義， 呢次起義最終在同年5月16日被德國軍隊鎮壓 華沙起義： 1944年8月1日， 波蘭家鄉軍隊（Armia Krajowa）發起反抗德國佔領軍的華沙起義， 目標係要係德國軍隊撤退之前，係華沙呢個波蘭首都建立一個獨立既波蘭政府。 當時在蘇聯紅軍正靠近華沙並無立即支援，停左係維斯瓦河東岸（琴日飲啤酒果到）， 剩係派飛機同空投物資，英國皇家空軍亦有派飛機空投物資， 但係欠缺重型武器根本打唔入德軍掩體， 隨住德國軍隊重新組織，用重型武器打擊起義軍。 係見唔到任何戰略上既可能性之後， 同年10月2日，起義軍與德軍簽訂停火協定。 停火後德國報復性毀滅華沙，炸毀大部份建築物同驅趕居民去其他城市或者集中營。 係德國佔領期間，大量納粹德軍同警察進駐波蘭， 英文有句諺語， "In Heaven, the Germans are the engineers, the...

擺低野休息左陣，出去搵野食， 去左中央車站附近個商場，d野食都幾貴下同麻麻地好食。 隔離就係科學文化宮，蘇聯「送」俾波蘭既禮物。 成棟建築係個城市入面都幾格格不入， 上面仲有個觀景台（無上去）。 行行下有d口乾，想搵d麥芽發酵飲品， Google Map見到河邊有幾間Bar好似幾Chill，搭幾個站去行下。 話說岩先係機場果陣咪話個APP top up 唔到既， 我用Airbnb個WiFi就得，個APP本身係外國都係上唔到要波蘭VPN， 今次我試用APP去買，有Credit係APP入面既話兩個制就買到， 上車果陣要搵呢個QR code去activate張飛， activate左之後個APP仲會有個倒數俾你睇。 華沙市內路面電車好方便，班次夠密，全部有齊到站時間， 新車仲有埋低地台但我覺得舊車chill d。 身處既波尼亞托夫斯基橋（維基譯既）建於1914年， 兩次世界大戰都嚴重受損，戰後先維修重用。 舊車 新車 選擇好正確，河邊唔曬有d風（都幾大風）， 放狗踏車跑步既都有，我坐低飲返杯先講。 坐左陣兼烚左陣，起程返去。 今次試下買月台售票機既飛， 個UI同車上售票機既一樣。 20分鐘，Zone 1 & 2，PLN3.4 上左車之後要入落去打個時間，因為係計時既飛， 搵呢台機塞張飛入紅色個位就得。 個時間會打左係車飛後面，查飛果陣就會睇。