202405 波蘭華沙歷史行： Day 3 托倫
買左火車飛去托倫，
托倫（Toruń）係波蘭既一個古老城市，位於國家嘅北部，
處於維斯瓦河（Vistula River）河畔，
即係早幾日飲啤酒果條河一直揸船向北既話係會去到。
托倫係個歷史悠久既地方，
佢嘅舊城區已經被聯合國教科文組織列為世界文化遺產，
但好多都係戰爭果陣被摧毀，靠照片同圖則重建返去原本樣貌。
呢度最出名嘅要數到天文學家哥白尼，
哥白尼提出咗「日心說」，地球同其他行星都係圍住太陽轉唔係圍住地球，
佢既故鄉就係托倫。
托倫同條頓騎士團有相當深厚嘅歷史淵源。
條頓騎士團係一個中世紀既軍事修道會，係1190年左右成立，
最初係為咗保護去聖地嘅朝聖者。
就係AOC果個行得好慢但好高攻好高防果個條頓武士。
13世紀初，條頓騎士團到左波蘭同周邊地區，
目標係要擴展基督教勢力同埋建立自己嘅領地。
1230年左右，條頓騎士團係維斯瓦河畔建立左托倫城，
呢個城市其實係佢地擴展勢力嘅其中一部分。
托倫喺條頓騎士團統治時期成為咗一個重要嘅貿易同文化中樞。
條頓騎士團喺度修建咗城堡同防禦工事，以保護佢哋嘅領地同居民。
係華沙中央出發，食個早餐先。
城際列車既華沙中央車站都係無閘機，行左上車先查飛，
同成個中央車站都有好多保安，休息區有人訓低係即刻有人埋去「關心」佢，
個站係幾乾淨同無遊民果d攤係到，樓上直頭有間supermarket仲幾好行。
車站d information display 好多好足，大部份都有英文對照，
08:21 IC28100就係我一陣坐果班車。
右邊數過黎第二行係列車既種類，KM係市內IC係城際，
而IC再有分EIP / EIC / IC，三種都係特急同全車指定席，
EIP / EIC既停站少d，架車新d同快d，有d車有埋免費野飲，
IC就停站多d同車舊d，EIP / EIC可以比IC貴一倍價錢。
我買左IC既Class 2試下，PLN61 = HKD120跑235km都幾抵坐，
08:21係華沙出發，10:46到托倫。
波蘭既城際火車好多都會有個「愛稱」，
同早期日本火車一樣係每一班車都唔同名，IC28100既名係Staszic。
08：31既長途車係跨國由德國柏林揸過黎既寢台，好在只係去華沙唔係去克拉科夫。
波蘭國鐵技藝，用貨物公司既機拖旅客列車。
d車太多唔同組合同長度，所以唔會好似日本咁係地下寫呢到係幾多號車，
要去搵呢個編成既指示牌睇。
佢一個月台分開左4個sector，月台上有指示講而家呢個位置係sector幾，
咁你等車果陣就去返相應既sector。
綠色既係二等車，黃色既係一等車，
半黃半綠就係半卡車一等半卡車二等，紅色既係餐車，
同留意有時係11 / 21開頭，成抽車無1號車都有機會。
波蘭d雀好多都肥到飛唔起咁。
上車，容許我咁講其實上車果陣有少許混亂，
未落哂車就逼上去果d程況都有，同岩先提過佢停站位置有機會有出入，
一埋站果下d人就開始跑，明明停車有成十分鐘，都唔知做咩野咁急。
係車門會有information display，有齊幾號車、行先、列車編號同中途站，
但有時係有d混亂，岩先咪一直講我班車係IC28100既，
架車既display係TLK28100，另一個class（慢d，快速果級），
奇奇怪怪咁但我見有停托倫就無再深究。
可能因為weekend架車全full之餘仲有企位，
出左市區後跑140km/h同幾穩定，標準軌係有佢既好處。
Hea下睇下風景就到，落左火車要轉一程巴士去市區，
因為舊城區同車站係隔左條維斯瓦河。
托倫既巴士係PLN 3.8 60分鐘，售票機同華沙果部99%相似，
係車站就有售票機買到。
對面就係火車站。
好異世界感覺果d樓上係旅館樓下係餐廳果d，旅館部份已經無再營業。
巴伐利亞豬手一般都唔會淋咁多汁而且個皮會脆，
但今次食呢個form factor係非常好，無左巴伐利亞豬手入面焗太耐會乾同硬既問題，
配埋酸菜同芥末，無可挑剔，豬手同麥芽汁係絕配。
係呢度建設咗好多城堡同防禦工事，
亦令城市成為一個重要嘅貿易同防禦據點。
當時既城市有個好重要既特點，就係靠近水源，
因為河流除左係飲用水來源，交通運輸既角色極為重要，
檸檬味幾好，檸檬味既甜品好易中伏 ／ 出事因為一唔小心就會搞到洗潔精咁味。
以日本旅行咁多年經驗黎講，呢個時候梗係黎返罐麥芽發酵飲品。
我「Hi 有無咩啤酒」
哥仔「聽唔明，你up緊咩」
我「有無酒精飲品」
哥仔「我地無酒精飲品，得咖啡茶汽水」
獲得百事一支。
想飲個湯就返去訓，年紀大左夜晚唔係好食野。
佢介紹左隻Wyborowa 以佢講法係最波蘭既伏特加。
以一個威士忌人黎講伏特加唔加冰都幾順喉，
類似而家南韓向朝鮮廣播既電台，但由西德向蘇聯方向廣播，
留言
張貼留言