202405 波蘭華沙歷史行： Day 5 波蘭猶太人歷史博物館

9月 05, 2024

出左遠門兩日，黎緊兩日都係華沙市內行程，
之前睇左遊記呢到係其中一個我幾期待既景點。
博物館位於猶太區，係華沙中央車站既北邊，
終於20分鐘飛唔夠用，要買75分鐘飛，盛惠PLN4.4 = HKD8.9。

早左到博物館未開，先去cafe食個早餐，
個老細係咖啡人黎又aeropress又虹吸壺又盛。
食食下野有急事拎左電腦出黎覆，
坐我隔離既竟然係香港人，應該係呢幾日少數見到既亞裔面孔，
我一路做野一路偷聽佢地講野：）

塊朱古力餅勁邪惡，幸福感（i.e. 脂肪量）夠我一日所需。

講猶太人之前，要補充少少基督宗教既背景

唔知大家細個係咪讀教會學校或者有無俾人罰抄聖經新約加舊約，
分「舊約」同「新約」既界線就係「新約」係由耶蘇出世開始，
而「舊約」係由創世記既摩西五經開始。

新教聖經舊約39卷新約27卷，
你係書店係唔會見到單本「舊約」聖經但有「新約」或者「新約加舊約」，
而「舊約」係同猶太教既聖經係一樣，
猶太教聖經得24卷既原因係舊約先知書12卷佢合訂成一卷，內容都係一樣。

基督教，用「新教」黎描述會比較正確，
天主教東正教猶太教新教都係拜緊同一個「神」用緊同一本聖經，
但因為對宗教既理解唔同而分開獨立，
當時既歐洲，主流既係羅馬教會，即係而家係天主教。

有一點要留意，猶太人／猶太教係唔信新約同耶蘇基督，
天主教由使徒彼得成立，耶蘇俾人拉左果陣三次不認主果個，
即係唔信「耶蘇基督已經作出犧牲替世人贖罪」呢個天主教成立既基石，
所以即使同樣係基督宗教，猶太教徒即係猶太人係被羅馬教會視為異教徒。

咁點解係迦南地，流奶與蜜之地生活得好地地（？）既猶太人會走左去歐洲，
原因就一世紀羅馬入侵打輸仗，聖殿被毀，羅馬帝國統治以色列全地，
猶太人亦被驅散到各地生活或者作為奴隸出售，慢慢去到東歐遷徙到歐洲定居。

猶太人係歐洲既生活

係遊記一開始都有提到，猶太人係波蘭既歷史係好悠久，
大約十世紀開始已經有猶太人係波蘭生活既紀錄。
而因為猶太人係外地人既關係，佢地係唔俾買地做農夫，
亦因為猶太人係異教徙既關係，佢地係唔俾加入行業協會做工匠，
當然亦無機會做官，
為左謀生士農工商之中猶太人揀左做商人同d教會唔容許教徒做既生意，
例如放貴利同買賣天主教徒奴隸，
呢個係直到現代講起猶太人都係銀行家同商人印象既原因。

「放貴利」是中世紀教會神學辯論既主題，
當時認為從事放高利貸既基督徒放貸者，
對貸款收取利息會被威脅將受永恆的懲罰。
認為放高利貸是一種罪惡的觀念影響了天主教神職人員及其教區居民對猶太人放貸的態度。

教會反對奴隸貿易，尤其係將基督教奴隸賣給非信徒。
聖阿達爾伯特，波蘭王國的主保聖人，
辭去布拉格主教的職務，因為他的教區居民不肯停止將基督徒奴隸賣給猶太人和異教徒。
這一遏制奴隸貿易的努力使教會與奴隸貿易是主要收入來源的公爵產生了衝突。

其中一幅油畫死亡之舞 (Taniec śmierci) 既一段，
留意圖入面既人物服飾。

"卑鄙的土耳其人醜陋的猶太人死亡對你們不反感
對猶太人的骯髒無動於衷野蠻國家在附近跳動"

仲有一個原因猶太人唔係教徒，所以唔洗交十一奉獻俾教會，
不受法規監管亦唔需要納稅，相對佢地無選舉同被選舉權。

生活習慣亦同天主教徒有好大分別，當時最大城市克拉科夫，
猶太人係有一個獨立既居住區同自已既水井／其他生活設施，下圖藍色部份。

甚至於當時係有hate crime，

猶太人被無端指控投毒井水、謀殺基督教兒童和褻瀆聖體。
儘管如此，波蘭對猶太人的暴力行為比阿什肯納茲猶太人散居地的其他地方少。
波蘭統治者保護猶太人免受攻擊。

猶太人係商人為主既關係，成日會俾人打劫，
咁當然另一個「猶太人傳統技藝」就係出賣其他人。

「那個出賣耶蘇既猶大」

"Shlomo，一名波茲南的猶太人，與幾名基督徒一起被控組織襲擊猶太商人。
該團伙成員還包括弗熱斯尼亞的薩洛蒙和皮茲德雷的丹尼爾之子。
被告之一，一名名為Jan Suski的基督徒，在法庭上對Shlomo說：
“ 邪惡且不敬虔的猶太人...你用虛假的承諾將我帶上了這條死亡之路。
你承諾我們會得到那些猶太人的一切——銀錠、弗羅林和其他東西。”"

另一個原因係因為急劇增加既人口，在14世紀，波蘭有14個猶太社區。
到1500年代初期，有超過5,000名猶太人住在100個城鎮裡。
他們因為受迫害和驅逐而從德國土地逃到波蘭。
當魯塞尼亞在14世紀被併入波蘭時，猶太社區也隨之併入。
在15世紀期間，最大的一些社區裡有多達500至800名猶太人。
更多的是一些由一兩個猶太家庭組成的小型定居點。
到中世紀末期，大約有5,000名猶太人住在波蘭。