202405 波蘭華沙歷史行： Day 8 華沙 -> 赫爾辛基 -> 香港
話咁快就到旅程既尾段，
每次到呢個時間我由一起身果刻開始就已經會黑口黑面同無咩胃口，
有次係酒店check out，之前幾日都同前台有講有笑，
俾返卡佢果陣可能個負能量氣場太強，
前台個經理走埋黎問係咪有d咩我地做得唔好，
我話無野唔洗擔心，佢仲入office 拎左幾粒糖同朱古力俾我。
一早起身係廚房沖緊咖啡果陣俾個SMS嚇親，
出面陰天但無雨，同行去火車站其實好近。
我仲send去問個host d交通會唔會有問題，
佢話好平常唔洗擔心，真係有d咩事停左火車既搭的士even佢可以黎車我入機場。
比起波蘭，南韓係更濫用緊急通報既地方，
早幾日收到個covid 19既push，心諗....
搵左間餐廳坐下飲個湯，佢話係雞湯配麵，
華沙去赫爾辛基呢程係歐盟既「內陸機」所以係唔洗出入境。
華沙機場有兩個lounge，佢係LOT波蘭航空既老家但佢係烏合聯盟既人。
個Lounge整體體驗唔錯，野食酒水充足，WiFi強勁，
時間唔夠試唔到佢個沖涼房。
仲要每支都有label話你聽免稅店有賣，咩number同價位。
我本住童子軍日行一善既精神，幫佢飲埋剩低呢啖等佢可以換過支新既。
歐盟區外歐盟區內有唔同價，稅既%都幾誇張。
去赫爾辛基係Embraer 190，
無記錯應該好多年前坐華信去台中坐過，
2-2 位都唔錯幾舒服。
入座率唔高，架機夠細可以望到入cockpit。
好～大舊黑雲
爬升過左雲層就平安
兩個鐘機恰下就到，行李係直寄到香港，係赫爾辛基要出歐盟境同過多一次保安檢查。
HEL non-EU呢邊有間奇怪既亞洲菜餐廳，咩都大兜亂咁。
去AY Lounge 休息下，仲有幾個鐘先上機，
個lounge比EU果邊大好多，入面既客大部份面孔都係亞裔人樣。
野食中規中矩，照舊係有麥芽汁放題。
offtopic關於航空公司Lounge，我個人認為沖涼房係一個幾重要既設施，可以俾個客係機場合法地全裸，釋放左d欲望個社會少好多變態，
長途機上機前沖個涼換套衫輕鬆d既衫都係唔錯。
香港機場因航Lounge The Pier Business係最常去，
沖涼房數量多，除左peak hour之外基本可以都有房。
The Deck次選因為房數少，設施都係一樣。
The Wing Business 係無沖涼房，得The Wing First 先有，
DM朋友帶過我去一次，設施服務都中上。
尤其係新加坡／日本呢d地方，
去東京唔飛CX548 549既其中一個原因係NRT lounge都幾舒服，
開完會食個晏入去做埋果半日野沖個涼搭CX505走。
講開，新加坡T4既因航Lounge係無沖涼房，我都諗唔明咩設計黎，
CX714星期五同同事食個飯入機場沖涼上機訓係最岩，
但偏偏佢係無沖涼房，我係去CX Lounge 食野擺低個袋，
再拎牙刷袋去對面plaza premium 沖完再返CX lounge，麻煩到癲。
曼谷機場CX Lounge無沖涼房都無咩所謂，通～常～～都沖個涼先入機場（意味深）
吉隆坡機場MH Lounge個沖涼房設施一般，五月去果陣佢翻新緊，
睇下會唔會有咩新野。
再offtopic講下牙刷袋，
雖然Lounge／酒店大部份都有牙刷但而家都陸續開始有係無洗漱用品供應酒店，
我自己係有兩個牙刷袋，
一個係大袋三層果d，通常係放喼寄倉，
有電動牙刷、水牙線、漱口水（買支100mL然後係大支轉落去）、
鼻毛剪、眼鏡用濕紙巾、潤唇膏同潤手霜、各式藥物同餐具。
一個係細個同筆袋大細長期係袋入面，入面要有膠面否則會滲水，
有牙刷牙膏，剃鬚刀、梳同膠囊漱口水。
我係好多年前有次坐JL26 Business，係廁所見有牙刷漱口水，
刷完牙洗個面再返去位訓係極舒服，
自始之後我都係用呢個標準去執袋。
牙刷漱口水呢d係日航，新航，泰航既Business 廁所都係標準配置，
因航係呢方面就真係落後好多。
我個細牙刷袋係有次坐長途PEY去AKL果陣用到而家，可能都有6年有多，
一直好使好用，某程度上仲好過而家因航Business既過夜包（綠色果個），
我拎黎裝USB線條拉鏈已經爛爛地。
回歸正題，食完野去沖下涼全裸一下，
位置唔算十分大，我17X高瘦身材係沖涼房入面都少少逼，
唔知六呎歐洲佬點沖。
上機，回程買左PEY，試下佢個新PEY setup。
PEY個legroom係多但唔夠平訓，岩岩好係一個好奇怪既角度，
我自問都算睡姿幾差既人都就唔岩個角度黎訓。
同側邊係一班台仔家庭定旅行團，吱吱喳喳嘈到頭都痛鳩埋。
派餐都無咩期望，個主餐係難以名狀既混合物，
我連平時因航派狗飯果陣打開黎聞一下了一舊試味都做唔到，
打開影相冚返就算。反而d小食同蛋糕係唔錯。
反而早餐係唔錯，除左主食外有食哂咁滯。
全卷完，感謝大家
留言
張貼留言