未来ガジェット研究所

過關同拎行李都好順利，過關果陣 關員「黎做咩的」 我「黎Oktoberfest的 (((o(*ﾟ▽ﾟ*)o))) 」 個關員下一秒已經蓋左印「Enjoy (ゝ∀･)b 」 德文既機場係Flughafen，Flug = flight Hafen = harbor/port 夾埋一齊就係機場。 上個禮拜係東京仲係27度，係慕尼黑既朝早係4度開緊暖氣，好在有拎定長褸過黎。 係機場有S-Bahn既站可以直接出到市區，跟綠色S-Bahn logo行就係。 S-Bahn可以用佢售票機買飛但最方便都係用DB APP。 德國係大部份既地方都無閘機，靠自律買飛同有職員會查飛， 個APP可以用apple pay買飛好方便，買完飛佢有email同係APP入面有QR code。 買飛果陣佢有好多option，月票 / off-peak ／ 大人細路既飛都係同一個位置， 認呢個字Einzelfahrkarte Erwachsene就無錯， Einzelfahrkarte Einzel ＝ single  Fahr ＝ travel Karte = card / ticket Erwachsene = 成人 出市區有兩條S-Bahn線S1同S8，RE22係Regional Express直接有車去第二個城市， 隔離既數字係預計所需時間，但你要知道呢到係德國而坐緊德鐵， 計劃同準時係唔存在既。 回送既RE22 月台information既黃色紙就係時刻表， 上面有好多唔同資訊可以參考。 我坐既係09:04既S8，係2號月台開出， München Ost = München East，係慕尼黑中央以外另一個主要轉車站， 有車可以直到柏林／其他主要城市。

係首爾留左兩日見客同做野，佢地都係中秋長假期心情準備返鄉下陪屋企人， 因航係飛ICN仁川機場，係江南過去可以搭6009機場巴士過去最方便， 但前一晚收到個緊急通知： 公共安全警報 若協商破裂，預計10月1日起首班車開始巴士罷工，恐導致市民不便與安全問題。 請市民多加利用其他交通工具，我們也將努力維持正常運行。[京畿道廳] 第二朝收到另一個緊急通知： 公共安全警報 公車工資協商破裂的情況下，目前所有公車路線均正常運行，未發生罷工。[京畿道廳] 我見落街d巴士又行緊但費事麻煩直接搭Grab入機場。 因航ICN地勤係外判既Swissport但都叫熟套system好快就搞好check in，行李直到慕尼黑。 之前幾次黎都係用OneWorld Lounge但總體黎講都幾劣，衰過公廁級既Plaza Premium， 有朋友講佢上次搭CX ICN-HKG， 行錯左去韓亞Lounge見到門口有因航個Logo就照入左去，叫我去試試比較下。 裝修唔錯，熱食選擇都多，有韓國本地啤酒Kloud既生啤機同其他烈酒。 ICN-HKG無咩值得講，773 3-4-3 Y既運豬車， 飛機餐亦一如以往地劣，我連打開黎影相都懶。 係香港直接行轉機去The Pier 搵野食， Tasting Menu照舊係Mott 32主理，九月中已經試過又未轉新一季Menu所以揀d其他野食。 十月既The Dining Room Menu，其中個人推介係麻婆豆腐， 麻婆豆腐有香咪但唔係四川果種辣到人痛同麻既味道， 鍾意食辣既可以叫佢拎辣醬去調味。 我叫左中湯同Scallops Risotto，個Risotto其實就...麻麻地。 下午機或者夜機出發我都會叫碗中湯， 平時好少有時間會係屋企煲湯但作為一個飲啊媽煲老火湯長大既人， 飲到老火湯個幸福感係無可比擬。 食多個好耐無食既雲吞麵結尾。 做左陣野覆完email就去沖個涼，可以對比下同日航羽田個沖涼房既分別。 我搭長途機既話沖完涼會換一套短衫褲係西裝底下， 上機可以直接除左面衫面褲就係訓覺mode， 因航去EU既機大部份都係11點打後先出發， 除非無時間係Lounge食野我自己通常會skip晚餐， 食完野／飲完野其中一個幫助放鬆既方法就係刷牙同用漱口水。 我係好多年前有次坐JL26 Business，係廁所見有牙刷漱口水， 刷完牙洗個面再返去位訓係極舒服， 牙刷漱口水呢d...