201604 越南會安學潛水 Day 4: 會安古城 DAD-MFM

最尾一日可以訓到自然醒，諗過度過酒店唔係貴所以加多左一晚，

熱得滯可以返去訓晏覺再游下水，

順手book埋車去機場。

食個早餐先再諗下一陣去邊，

以前係香港做野飲杯M記即磨咖啡就已經好滿足(唔係即磨果D難飲過屎水)，

而家係澳門做野就跟左葡佬老細飲Espresso，

呢次去愛上左越南咖啡，買左三個滴漏咖啡壺同兩包咖啡粉返宿舍DIY。

香蕉Pancake .... 好滯....

食完野就去行下會安古城，第一站係日本橋(來遠橋)，

由會安既日本商會係1595年建成，雖然而家見到既唔係最古老果條(重建過)。
果陣日本人已經黎到越南做生意，係傳統戲劇都有出現日本人角色。

會安個環境唔差，無上次農曆新年黎咁多人，
可以慢慢行，係曬左少少。

俾50,000VND可以試坐洗頭艇，佢會唔會夾你去支那就睇你造化。

曬到啊媽都唔認得，有頂越南草笠係差好遠，
上次係美山聖地買左頂，拎左返屋企。

周圍都係古厝，呢間好似係博物館黎，
要買飛所以無入去。

會安古城隔離係個市場，就好似胡志明市個檳城市場咁一樣係好多人同好混亂。

仲有半個區係熟食檔，不過呢到唔係好夠膽食，一定屙死我。

仲有一部分賣鮮肉同魚，唔係好想行落去驚一陣食唔落飯，
拿拿淋行返出去。

越南由南到北都係咁，一街都係電單車。

行過遊客中心見到有個水上木偶劇既飛賣，
個劇場仲係酒店附近，又唔係貴就買張飛等睇戲(夜晚先開場)。

dafuq......

行下行下去返潛水舖門口，索性入去吹下風扇同飲杯啤酒，
順手寫埋張postcard同上陣網。

寫完postcard就搵郵局買郵票，呢間郵局都幾隱閉，入去條路九曲十三彎，
但個綠化做得好好。

好到你以為佢唔係一間郵局。

行左陣見肚餓就係街邊食個Pho。

越南街邊檔大部分都係咁樣，一個檔仔加個爐就可以賣野，
唔會有人叫你俾一百萬出黎買架美食車....

呢檔算幾特別，除左定番既香草同菜之外仲有醃芽菜同醃白菜，仲有杯茶。

買果陣都無留意，原來張郵票係日本橋黎。

寄出，上次係河內寄大約兩個星期就到香港，
呢次就暫時都未收到。

今次去返間大D既郵局，行多幾個街口。

佢個營業時間都幾長，0630-2000，一至日。

係河內坐過兩次呢D人力單車，幾過癮但係側邊D車同電單車穿插，
而你係條路到妹下妹下都幾得人驚。

四五點鐘無咁熱舒服返好多。

呢檔就係我呢次旅程食足咁多日既檔仔。

食多次豬肉，今次唔係豬骨。

未食飽，行過見到間士多有賣法包就食個法包添，
有呢間唔錯個蛋係即煎既。

差唔多夠鐘就行去劇場。

其實我覺得呢幾隻木偶個樣有D恐怖。

個劇場大約坐到一百人，都算滿座。

開場，個舞台效果唔錯，燈光同煙霧都係專業野唔係求其既。

呢幾位係木偶師，最後謝幕，
我唔會睇緊show果陣影相，睇show係專心欣賞個節目，
但側邊D友仔又影相又拍野仲要開閃光燈。

咁上下鐘數就坐車去機場，司機大佬唔知係咪趕住返去訓一路渣百一直飛去機場。

隔離呢行係泡菜廉航。都幾多泡菜仔黎呢到，大韓係禁區有Lounge。

等上機。

其實... 架機D位又劃哂，係咪驚架機唔等佢定點呢....

返黎呢架A320好殘，個感覺好似細個坐火車去廣州D車廂咁。

影下架機。

完，又係時候要返工。