201605 橫須賀舞台探訪x砲雷撃戦二十五戰目: 高校艦隊舞台探訪 - 橫須賀諏訪大神社

上次黎橫須賀都成兩年前，有玩艦娘但係未係對IJN好熟悉，
今年除左艦娘仲入埋World of Warship坑，
咁岩今季有套我幾鐘意既新番 - 高校艦隊，個舞台正正就係係橫須賀，
行開關東就順道過黎行下，上次黎東京呢邊都年頭既事。

羽田出市區可以搭單軌出濱松町或者京急，
京急係浦田可以轉去品川或者橫濱方向既車，去橫須賀都無問題。

去日本，識坐一定係坐車頭或者車尾。

話咁快就到，日本既鐵路服務真係好高質。

高校艦隊個舞台，橫須賀諏訪大神社係位於距離橫須賀市區一個站既汐入。

橫須賀軍港遊船，上次黎果陣太多人排隊無去到，今次黎會玩埋。

個舞台行一陣就到，係山腳就見到諏訪大神社，
高校艦隊第一集，矢矧宗谷真白同屋企人去神社，
宗谷真白個出身地係橫須賀市汐入町，正正就係舞台呢到。

取自官方網頁: http://www.hai-furi.com/character/01_02/

個角度差左少少，因為果條係馬路黎同隔離整緊路。

沿路一路行上去就見到神社。

蘿莉矢矧真白 :P

真白既媽媽同家姐都好正 :P

但唔知點解影極都影唔到加下角既屋頂。

附近的確係有動畫入面既屋頂，但係係再遠D既距離。

神社正殿。

神社參道。

本坪鈴。

因為要行上去先影到動畫入面既角度，所以相入面既角度有D唔同。