201610 西貢越戰歷史之旅: Day 0 CX721 HKG-SGN

趁住重陽節假期再訪西貢，計埋今次係我今年第三次去越南。
我自己都幾鍾意越南呢個國家，洗費唔算高，機票又唔算貴，我又好鍾意食越南野。
上次去西貢既時候岩岩係農曆新年，好多野都無開，
好多人都話胡志明市既治安好差，
我黎左兩次又唔係好覺有咩治安問題，可能因為我係旅客區多。

今次都係同榛名一齊去旅行。榛名！いざ、出撃します！

Note 7係我出發之前已經被高度關注，我返黎之後幾日直頭禁左唔俾上機。

假期前既Plaza Lounge多人到好似難民營咁，咁岩牙痕想食下飯就要左個湯飯，
而事實證明係唔應該做呢D新嘗試既，下次都係嗌返魚蛋粉。

食返碗魚蛋粉，成個感覺唔同哂。

嘆埋第二杯啤酒，開始有D醉，一陣上機訓返兩個鐘岩岩好。

油王A380

留唔留意到後面仲有一隻油王既機。

 今次坐因航A330，第二次坐呢隻機型，上次搭因航去新加坡都係A330黎。

黑田: 架機都算唔錯  = 比A320好

慣左周圍影下架機，今程機都幾空，入座率我諗得4-5成。

咁都有Note7既警告pop up。

熄哂燈taxi緊去跑道頭果陣，竟然見到HAECO門口停左因航兩位女皇，
手機影得好差，左手邊仲有一位係到，呢張剩係影到佢既垂直尾翼。

好老實，食完ANA個餐之後因航既ECON餐真心麻麻，
食左兩三啖就算，個意粉煮得仲衰過快餐店....

 話咁快就Final Approach，越南既夜晚比我想像中光(唔係指lux level，係指城市發長程度)。

申請左Visa on Arrival， USD$8一份Visa Letter，USD$25係落地簽果陣俾佢，
等Visa 果陣順手買左張電話卡，盛惠USD$10，
不過基於費事煩同一陣有機會要用到上網既關係呢到就由佢賺。

最最最最最容易俾人搵笨既時間就係岩岩出機場既時候，
建議多少都要換一定既VND係身，先減去一個俾人搵笨既機會，
如果用美金一來匯價唔好，二來越南紙面額大，好容易找到亂哂，
係越南搭的士最緊要一樣野，揀大公司既的士，
例如Vinasun / Mailinh，再減去一個俾人搵笨既機會。

出左機場呢兩間公司都有自己既的士站，唔好理拉客D友仔，
直接行去呢兩間公司既站頭就得，個站長會俾張紙仔俾你，
有投訴電話同架車既number，有D咩事就叫Front Desk打去投訴。

今之同上次黎西貢一樣揀左Liberty Central Saigon Centre，
去大部份想去既景點都係步行距離，Ben Thanh Market隔離，
樓上有Massage同泳池，樓下有餐廳同酒吧，
係網上面book果陣揀左Double Room，點知去到果陣佢話今晚得Twin Room，
問我聽日先轉去Double 得唔得，我費事又執行李又盛所以幾晚都係住呢間房，
張床幾舒服，係個冷氣麻煩D，佢用fan coil但台風機無咩力，要吹好耐間房先涼。

去越南最正一定係食街邊檔，上次係會安學潛水果陣都有提過，
食野之中胡志明市最貴，平均要VND 45,000至VND 70,000，但係感覺上最乾淨，
會安食一碗大約係VND 25,000至VND 30,000，不過大城市既市中心區貴D都正常既。

呢檔Pho係我酒店既斜對面，左邊落哂閘果到就係Ben Thanh Market，
無論男女老幼都係咁坐係街邊食野。

而我酒店樓下係有間Familymart，
去旅行果陣行下當地既超級市場同便利店係我其中一個嗜好，順手買宵夜，
竟然仲俾我搵到D同鄉，兩款都香港制造嫁!

係西貢有SAIGON BEER，係河內亦有HANOI BEER，
三款之中最岩口味反而係右手邊既Zorok，之後果幾晚都係飲佢。