201609 關東一百名城之旅 Day 1 : 足利氏館

舒舒服服訓到九點起身，岩岩好趕得切食早餐。

東橫inn早餐既咖啡唔係好岩口味，習慣左朝早要整杯咖啡。

我原本係諗住由鶯谷行去上野搭高崎線去高崎，點知高崎線人身事故，
咁無計唯有出張pass坐新幹線，上野個旅客中心十點先開門，真係生活態度。

 一直都覺得上野個兩層月台設計好癲。

搭Maxとき上層。

搭過E7之後E4都係差咁D。
[劇透] 九月中果次瘋狂坐E7。

好似幾正咁，當日新鮮摘既枝豆再加當地既啤酒。

新幹線本郵購雜誌好鬼正，賣好多好正既騎呢野，例如呢個可以裝50張卡既銀包。

用新幹線拆落黎既椅皮造既車皮套。

價值一萬零八百円(連稅)既金色一萬円....

話咁快就到左高崎，落樓下轉両毛線去足利。

上次坐両毛線都係係高崎出發，去秒五既聖地岩舟同小山。

 上次係冬天黎，好快就入黑， 今次可以睇下両毛線既風景。

211系，高崎車輛中心所屬。

足利市個環境唔錯，無咩人(我發覺係東京都外既人都係揸車代步多)。
EF 60 :P 最衰撞唔岩開放時間，無得去駕駛室睇下，想睇駕駛室要去橫川。

出左車站行十分鐘就到左鑁阿寺，又或者叫足利氏館，
故名思義，係足利氏興建既"館"，作為行政中心同領主起居生活既地方，
同高山陣屋一類相似，但而家只係剩返佛堂同水堀保留到而家。

佛堂供奉大日如來，老實講我一直對"佛寺"呢樣野無咩特別興趣，反而我鍾意行神社。

行完足利氏館就行過東武鐵道搭去太田附近既金山城，
上車之前買個飯做晏就飯。

一入到去佢係咁ごめんなさい，我原本以為咩事，
原來係佢D飯岩岩煲好，要等五分鐘。
五分鐘姐，唔洗ごめんなさい掛....

我原本以為係Gal Game Poster 黎，點知係足利市自己既宣傳黎。

http://www.himetama.jp/index.html

:P 540円，折返港紙先四十幾蚊，平時係荼記食個晏都要呢個價。

配返支Dr. Pepper 簡直係Perfect。