201609 關東一百名城之旅 Day 2 : 秋葉原，艦これアーケード ，HND-HKG

還左車就去高崎搭車返老秋，咁岩可以等到Maxとき326，
即係琴日見到有得賣即日採摘枝豆果班車，諗都唔洗諗即刻mark果班車落上野。

高崎間駅そば我好鍾意食，晏就剩係食左便利店既關係我嗌左個親子丼加そば既set。

E7 :P
不過我唔係搭呢架，我搭Maxとき。

繼續坐上層，星期日返東京都幾多人，都有八成滿。

我由高崎一直坐就到大宮，我記得新幹線有個位係車內販售，
仲諗會唔會要行去搵下賣野果個位，行到過去見到告示話呢個位已經唔做車內販售，
唯有乖乖地返去個位到等下，架車一出左大宮站果陣就見到車內販售個姐姐行緊上黎，
嗚啊終於食到超級新鮮既枝豆，我食既時間係1600，佢1200先pack箱。
但點解罐新潟啤酒係新千歲工場造既 ?_?

車內販售個姐姐真係好犀利，用兩個袋揹住野飲+零食+POS，
仲要係架車走上走落(E4架車兩層)。

經旖東京又點可以唔行下老秋，先行Kbooks。

再行Melonbooks，呢個系列既時雨真心推介。

鯊魚提督新作，比叡のことおしえて，
一見到鯊魚提督你就知肯定係洋蔥野，佢咁多本之中係得講鯊魚果本係無洋蔥，
仲要有人塞左本雪風係隔離，大佬你有心定無意。

作者Twitter: https://twitter.com/sameanko?lang=ja

有關雪風同比叡既關係

比叡沈果陣雪風就係佢隔離撤退比叡既乘員，
佢既沉沒完全顯示左IJN既指揮，通訊同損害管制問題。
比叡係二戰中IJN第一艘沉沒既戰艦。

金剛 比叡 榛名 霧島

順帶一提

三日後霧島係同一個海域既夜戰入面，
同美軍戰艦南達科他，華盛頓兩艘近距離炮戰後因機關部嚴重損毀自沉處分。

金剛 比叡 榛名 霧島

最終入手左一堆本子同雜誌 :P

去SEGA打艦これアーケード ，填左名，買埋卡就等嗌名，
等十分鐘到就可以玩一場。

呢D係咪叫出師不利，第一場就出Printer Error要call staff。

我既ID 1照樣都係揀返buki。

然而buki只係一個打1-1都會E敗既艦娘.....

第二場有進步，只係D敗。

嗚啊真係不得了，好想快D抽到榛名。

然而我到今日都未入手到榛名。

愛宕，實用型重巡，每次同人活動出本子既比率一直高居榜首，靠佢幫我一路碌到2-2。

ぱんぱかぱーんっ

抽離唔到，個艦娘係你面前識行識走識講野....

個朋友岩岩係成田落機，問一唔一齊食飯，
咁耐無見梗係去啦，佢搭skyliner出京成上野，我搭車去上野搵佢。

係上野食そば吹下水。

送左朋友上高崎線終電返屋企，
我搭山手線去浜松町金太郎過夜，順手係Familymart拎埋訂左既晴風。

第二朝搭頭班Monorail入機場，輕輕鬆鬆。

我真係估唔到會有後生拎紅白藍袋。

龍仔新塗裝真係肉酸到呢.....

完了吧，如無意外。