201612 日本九州歷史之旅: Day 2 關門人行隧道，唐戶市場

行左十分鐘到左關門人行隧道門司港呢邊既入口。

搭lift落海底。

向山口縣出發。

 其實唔係行左好耐就到，離遠已經見到一堆人係到影相。

原本諗住同榛榛影下D分隔兩地既相，不過條路都幾窄，
求其影左兩張就算。

唔少得瘋狂彈出彈入山口同福岡既縣界。

話咁快就到左山口呢邊既出口。

條橋幾靚，最緊要係天氣唔錯。`

沿海邊行左去唐戶市場搵野食，呢邊出名雞泡魚，
有濕貨有乾貨，可以買野搵個位食。

mmmmmm以吉祥物黎講呢隻野都算係相當肉酸。

最後揀左檔壽司既，平係平但唔算高質，
加邊果杯係加左雞泡魚鰭既清酒，唔，唔係係好識欣賞。

都幾多人，仲有大巴一車車遊客車黎。

 冬天去旅行最大既壞處係好快就天黑。

可以住直昇機飛一個圈，但個價錢貴過我返香港張機票....

呢支係捕鯨用既魚槍，同一堆退役左既船裝放左係公園。

琴日一齊出發個朋友岩岩過到下關，佢唔好彩岩岩去到唐戶市場就收哂爐，
係下關等埋佢一齊搭車返小倉搵野食，反正佢今晚都係stay小倉。

一返到小倉，嘩不得了，成個車站大堂都係野食，
唔好諗食左先，先買左鯛魚燒。

再買左食鬼大福，佢個擺法個感覺好troll。

鯛魚燒正，但唔夠上次係姬路果間好食。

橫睇掂睇都係一隻食鬼。

奇妙既係，小倉竟然有一個商場全個都係賣毒野，
有Animate有Melonbooks。

中過太多次伏，唔會再買呢類書，伏果D wiki仲寫得好過佢。

仲好順手咁幫朋友抽左個一番賞既A賞，
我自已抽果陣又唔見咁好彩.....

抽完野搵左間居酒屋食飯，同朋友傾下計，又一Day。