201805 拜訪仍在守護日本既二戰驅逐艦: Day 1 KA342, CX The Deck Lounge

早兩個星期fansfare出左福岡promo，
見都成兩個月無去過日本，又想浸下溫泉所以無咩諗就篤左張去個weekend trip，
唯一蠢左係買左KA342，朝早九點幾鐘機，要倒塔咁早就起身去機場，
應該買後一班KA380，十一點機可以訓到自然醒先去機場，
人老左唔可以好似以前凌晨機到都可以玩到夜晚十點先訓。

行程概要
Day 1: KA342 HKG-FUK
Day 2: 軍艦防波堤，慰靈碑，溫泉あじさいの湯
Day 3: EVA 500系新幹線Last Run，KA343 FUK-HKG

一早起身搭A車入機場，上年岩岩好夠分升左因航會銀卡，
Business Check In個staff既態度都好好多，用麻幾兔黎表達既話，

白板 / 綠卡 + Econ隊

銀卡 + Biz隊

 一早既機場無咩人。

一陣要出北衛星，上次去完The Pier同The Bridge，
唔行咁遠去The Deck算，順手試下未去過既The Deck。
兩日前岩岩開放check in都SEC:7，
又真係估唔到有咁多轉機客去福岡。

 The Deck係Gate 16附近，上樓上一層。

個裝修風格同HND CX Lounge相同，有落order既麵食同點心，
另一邊亦有飯麵同沙律。

正宗食法應該係擔擔麵加雲吞，
但呢個星期個腸胃有D唔舒服所以無揀擔擔麵，
個雲吞唔錯，有以前細個果種雲吞既味道，
有蝦之餘食到有豬肉撈左落去，有蝦味亦有肉香，抵讚。
牛肉燒賣不過不失，還算可以。

未夠時間上機，轉去靠窗邊既坐下碌下email，
發覺呢個設計真係幾好坐，可以半個人好放鬆咁冼左係到，
用麻幾兔黎表達既話就係咁既樣。

行返Gate 1落樓下轉巴士去北衛星，
對上一次黎都已經係上年同屋企人去高雄。

 龍仔A321

遲左十幾分鐘先上機。

A321 Exit Row，叫做可以伸下腳，
A320 / A321都係麻麻地，然而A359亦唔好得去邊，
反而A330 2-4-2唔錯。

因航照舊狗飯，發現近幾次飛日本線都興有份冷麵，
然而同ANA既比真係差天共地，個主食就算吧啦比較都費事。

落機出行李都叫快，出門口諗住搵巴士去國內線Terminal，
點知見到前一個站有巴士可以直接出到博多站，
260円出到博多巴士Terminal，係正JR博多隔離，真係唔錯。

黎到福岡一定係去食一蘭，唔通係香港排隊咩。

行上去AMU Plaza既ポポンデッタ睇下模型（主要係睇中古品），
最鍾意去執二手雜誌，100 - 300円買到本幾年前既書，
睇返當時既「新聞」個感覺好新鮮。

好羨幕人地就算係屋企都可以有地方砌個場景出黎玩，
搵次帶套コキ同EF210過黎租線玩。

未入夜唔想咁快返酒店住，去左地下街既日本酒吧似返杯。

飲緊果陣碌下Twitter見到21号（花奈澪 ）話今晚有Nico生放送，
拿拿聲返小倉等睇Nier。

係博多地下鐵間金劵店買左ソニック來回既h乘車劵 + 特急劵，
原價1800円一程，係金劵店買就1380円一程，
來回就平左840円，平左岩先買既兩組貨櫃返黎。

估唔到都幾多人，車掌直頭開咪講自由席已經滿哂，
估唔到係博多行出黎一陣個風景已經變左田野風光。

係東橫Inn check in完仲有時間可以行下街先食晚飯，
想玩電車Go但帶漏左張卡....

行完街去搵下野食，黎到福岡一定要食もつ鍋 ，
今日有D飽所以去左食串燒。

食完串燒順手係七仔買個麵返去一路睇一路食。

一齊享受無P既nico生放送！慢之餘仲起哂格！