201805 拜訪仍在守護日本既二戰驅逐艦: Day 2 軍艦防波堤，冬月 涼月 柳 軍艦慰靈碑

一早起身落樓食個早餐，東橫Inn一貫作風，
野食唔錯但咖啡好難飲。

今次黎福岡既主要目標係黎探二戰日本海軍驅逐艦涼月、冬月同柳，
二戰後資源不足既原故係1948年將三艘受損既驅逐艦拆除上部船體結構
拖到若松港鑿沈成為防波堤既一部份，一直守護日本直到今日。

順帶一提日本驅逐艦一貫以氣象為命名主體，
例如以潮汐命名既朝潮型，以降雨命名既白露型，
其中有兩個級別用「月」黎命名，分別係用月份命名既睦月型同用月相命名既秋月型，
涼月係指清涼秋天既月亮，冬月係指寒冷冬天既月亮。

秋月型3號艦涼月
初月係黑色涼月係白色

呢個先岩

點解涼月會叫做奇蹟驅逐艦，因為涼月曾經三次大破，
佢最後一次出擊係同大和、矢矧、冬月以及另外6艘驅逐艦係無戰鬥機掩護既情況下向沖繩方向突擊，
一直航行至九州坊之岬海域時遭遇美軍飛機，
大和、矢矧以及位於輪型陣前方既朝霜、霞、磯風、浜風相繼不敵戰沈，
接任指揮既水雷戰隊司令既古村啓蔵下令停止戰鬥，
僅存既涼月、冬月、初霜、雪風係救助各艦生還乘員後返回佐世保。

有無諗過成個編成最大問題係雪風到

當時既作戰記錄

而家係現場可以見到既得返「柳」既船體，
涼月同冬月已經長眼左係混凝土之下。

Google Map 位置



酒店隔離就係toyota rental car，今次要去既地方係海邊既工業區，
離最近既車站都有7km，與其行或者搭的士不如租架車仲方便。

中間停低係Lawson去個廁所買杯咖啡，
幾鍾意呢類細cc既車，一個人出門岩岩好。

自從7-11發明左100円一杯既便利店咖啡之後，
（順帶一提，提出呢個idea既7-11員工升左上Director，
有書係研究便利店咖啡經濟學）
其他便利店都積極跟進，而FamilyMart同7-11都係自助型式，
櫃檯買完係機自己等，Lawson唔同既地方係佢部咖啡機係收銀機後面，
由職員準備好杯咖啡再「雙手」遞俾你，
據Lawson官方既講法係因為佢地想透過呢種方法同顧客有交流。

呢D咪醒伙記同蠢伙記既分別.....大佬啊我唔係想要呢D野啊....
我剩係想快快趣趣拎杯咖啡走....

飲杯野再揸十分鐘車就到軍艦防波堤，
又估唔到會有個幾詳細既介紹係到。

之前既資料無咩提過高塔山有個慰靈碑，
一陣可以行去睇下。

而家可以見到既係「柳」既船體部分。

涼月同冬月就沈睡左係而家停車場同貨櫃碼頭既位置。

隱約見到船尾結構，日本既二戰時期既驅逐艦同輕巡艦尾都呈圓形。

相對秋月型被稱為輕巡體積既驅逐艦（全長134m，輕巡夕張僅全長140m），
松型既「柳」因為係速成艦（由起工至完成僅需要五個月）同輕型驅逐艦既關係顯得細隻好多（全長100m）。

一個好舒服既位置，有好多人黎呢到釣魚，
雖然見唔到涼月同冬月，但黎過感受過已經足夠了。

人地個天空真係好藍....

涼左陣海風就起程去高塔山公園，
揸大約十五分鐘，中途有窄路上山路段，
高塔山公園有停車場可以放低架車。

Google Map 位置

好鍾意上山俯瞰風景俯瞰城市。

河童?

工業區都可以用再生能源。

由停車場大約行十分鐘，慰靈碑由北九州市出資管理。

雙繫柱係指船泊岸時綁住泊岸纜既繫椿。